2023 സീസണിലെ മിന്നും ഫോം തുടര്‍ന്ന് പോര്‍ച്ചുഗീസ് സൂപ്പര്‍ താരം ക്രിസ്റ്റ്യാനോ റൊണാള്‍ഡോ. യൂറോ യോഗ്യത മത്സരത്തില്‍ പോര്‍ച്ചുഗലിനായി പുറത്തെടുത്ത അതേ പോരാട്ടവീര്യം അല്‍ നസറിലും തുടരുകയാണ് റൊണാള്‍ഡോ.
സൗദി പ്രോ ലീഗില്‍ ഡമാക് എഫ്.സിക്കെതിരെ ഒന്നിനെതിരെ രണ്ട് ഗോളുകള്‍ക്കാണ് അല്‍ നസറര്‍ തോല്‍പ്പിച്ചത്. മത്സരത്തില്‍ ഒരു തകര്‍പ്പന്‍ ഫ്രീ കിക്ക് ഗോളിലൂടെയാണ് റൊണാള്‍ഡോ അല്‍ നസറിന് വിജയം നേടിക്കൊടുത്തത്.
Incredible atmosphere in the stadium tonight.
Happy with the win and we keep working hard every game.
Thank you to the fans for such a lovely tribute also💙💛 pic.twitter.com/HHTvniolCJ
മത്സരത്തില്‍ നേടിയ ഗോളോടെ ഒരുപിടി റെക്കോഡുകളും 38കാരനെ തേടിയെത്തി. 2023ല്‍ 50+ ഗോളുകളും അസിസ്റ്റുകളും നേടിയ താരമെന്ന നേട്ടവും 2023ല്‍ 41 ഗോളുകള്‍ നേടിക്കൊണ്ട് ഏറ്റവും കൂടുതല്‍ ഗോള്‍ നേടിയ കളിക്കാരെന്ന നേട്ടവുമാണ് റൊണാള്‍ഡോയെ തേടിയെത്തിയത്. ഈ സീസണില്‍ 15 തവണ മാച്ച് വിന്നര്‍ ആവാനും റോണോക്ക് സാധിച്ചു എന്നതും ശ്രദ്ധേയമാണ്.
മത്സരത്തിന്റെ 56ാം മിനിട്ടിലായിരുന്നു റോണോയുടെ മഴവില്‍ ഫ്രീകിക്ക് പിറന്നത്. നീണ്ട ഏഴ് മാസങ്ങള്‍ക്ക് ശേഷമായിരുന്നു റൊണാള്‍ഡോ ഒരു ഫ്രീകിക്ക് ഗോള്‍ നേടുന്നത്. ക്രിസ്റ്റ്യാനോയുടേയും ആരാധകരുടെയും ഏഴ് മാസക്കാലത്തെ കാത്തിരിപ്പിന് കൂടിയാണ് ഇവിടെ വിരാമമായത്.
ലീഗില്‍ 11 ഗോളുകളും അഞ്ച് അസിസ്റ്റുകളും റോണോ നേടിയിട്ടുണ്ട്. നിലവില്‍ സൗദി ലീഗിലെ ടോപ്പ് സ്‌കോററും ഏറ്റവും കൂടുതല്‍ അസിസ്റ്റുകള്‍ നേടിയ താരവും റൊണാള്‍ഡോയാണ്.
🚨🎙 Cristiano Ronaldo:
“Al Nassr and their fans make me happy.”
ജയത്തോടെ സൗദി പ്രോ ലീഗില്‍ മൂന്നാം സ്ഥാനത്തെത്താനും അല്‍ നസറിന് സാധിച്ചു. പത്ത് കളികളില്‍ ഏഴ് ജയവും ഒരു സമനിലയും അടക്കം 22 പോയിന്റാണ് അല്‍ നസറിന്റെ അക്കൗണ്ടിലുള്ളത്. സീസണിലെ ആദ്യ രണ്ട് മത്സരങ്ങളില്‍ തോല്‍വി നേരിട്ടതിന് ശേഷമാണ് അല്‍ നസര്‍ മികച്ച തിരിച്ചുവരവ് നടത്തിയത്. പിന്നീട് നടന്ന ആറ് കളികളില്‍ അണ്‍ബീറ്റണ്‍ റണ്‍ ആണ് അല്‍ നസര്‍ നടത്തിയത്.
