അഖിലേഷിനൊപ്പമുള്ള ബാബ ആര് ?ചോദ്യമുയര്‍ത്തി സോഷ്യല്‍മീഡിയ
ഡൂള്‍ന്യൂസ് ഡെസ്‌ക്
Saturday, 4th May 2019, 3:12 pm
ലഖ്‌നൗ: യു.പി മുന്‍ മുഖ്യമന്ത്രിയും സമാജ്‌വാദി പാര്‍ട്ടി നേതാവുമായ അഖിലേഷ് യാദവ് ഇന്ന് ട്വിറ്ററില്‍ പോസ്റ്റ് ചെയ്ത ഒരു ചിത്രം സോഷ്യല്‍ മീഡിയയില്‍ ഒരു ചര്‍ച്ചയ്ക്ക് തന്നെ വഴി തുറന്നിരിക്കുകയാണ്.
ഒരു പുതിയ ബാബയെ പരിചയപ്പെടുത്തിക്കൊണ്ടായിരുന്നു അഖിലേഷ് ഫോട്ടോ ഷെയര്‍ ചെയ്തത്. യു.പി മുഖ്യമന്ത്രി യോഗി ആദിത്യനാഥിനോട് സാമ്യം തോന്നുന്ന രീതിയിലുള്ള ഒരാള്‍ക്കൊപ്പം ഹെലികോപ്റ്ററിനടുത്തേക്ക് അഖിലേഷ് നടന്നുനീങ്ങുന്നതായിരുന്നു ചിത്രം.
കാവിവസ്ത്രവും ഷാളും പൈജാമയും മൊട്ടത്തലയും ഷൂസും എല്ലാം ഒറ്റനോട്ടത്തില്‍ യോഗി ആദിത്യനാഥിന് സമാനമാണ്. യോഗിയുടെ അത്ര തന്നെ ഉയരവും വണ്ണവുമുള്ള വ്യക്തിയായിരുന്നു അഖിലേഷിനൊപ്പം നടന്നുനീങ്ങിയത്. എന്നാല്‍ മുഖം വ്യക്തമായിരുന്നില്ല.
