'സില്‍ക് സ്മിതയുടെ ബയോപികില്‍ ഗ്ലാമര്‍ വേഷം'; അഞ്ജലി മേനോന്റെ പേരില്‍ വ്യാജ പ്രൊഫൈലുണ്ടാക്കി തട്ടിപ്പ്; യുവാവ് പിടിയില്‍
ഡൂള്‍ന്യൂസ് ഡെസ്‌ക്
Thursday, 19th March 2020, 4:54 pm
കൊല്ലം: സംവിധായികയും തിരക്കഥാകൃത്തുമായ അഞ്ജലി മേനോന്‍ ഉള്‍പ്പെടെയുള്ളവരുടെ വ്യാജ പ്രൊഫൈലുണ്ടാക്കി തട്ടിപ്പ് നടത്തിയ സംഭവത്തില്‍ ഒരാള്‍ പിടിയില്‍.
കൊല്ലം ഓച്ചിറ സ്വദേശിയായ കാഞ്ഞിരക്കാട്ടില്‍ വീട്ടില്‍ ദിവിന്‍ ജെ യാണ് പൊലീസ് പിടിയിലായാത്. സോഷ്യല്‍ മീഡിയയില്‍ വ്യാജ പ്രൊഫൈല്‍ ഉണ്ടാക്കുകയും പിന്നീട് സിനിമയില്‍ അഭിനയിക്കാന്‍ അവസരം നല്‍കാമെന്ന് വാഗ്ദാനം നല്‍കി തട്ടിപ്പു നടത്തുകയുമായിരുന്നു ഇയാള്‍.
അഞ്ജലി മേനോന്റെ പരാതിയിലാണ് പൊലീസ് നടപടി. ‘അന്തരിച്ച നടി സില്‍ക് സ്മിതയെ കേന്ദ്രീകരിച്ചുള്ള ബയോപിക് എടുക്കുന്നെന്ന് പറഞ്ഞായിരുന്നു ഇയാളുടെ തട്ടിപ്പ്.
