ഉദ്യോഗസ്ഥനെ ക്രിക്കറ്റ് ബാറ്റ് കൊണ്ട് മര്‍ദിച്ച സംഭവം; മാപ്പ് പറയില്ല; ഇനിയങ്ങോട്ട് ഗാന്ധിപാത പിന്‍തുടരാമെന്ന് ബി.ജെ.പി എം.എല്‍.എ
ഡൂള്‍ന്യൂസ് ഡെസ്‌ക്
Monday, 1st July 2019, 9:17 am
ന്യൂദല്‍ഹി: നഗരസഭയിലെ അനധികൃത കയ്യേറ്റം ഒഴിപ്പിക്കാനെത്തിയ ഉദ്യോഗസ്ഥനെ ക്രിക്കറ്റ് ബാറ്റ് ഉപയോഗിച്ച് മര്‍ദിച്ച കേസില്‍ ജാമ്യം ലഭിച്ചതിന് പിന്നാലെ ചെയത പ്രവര്‍ത്തിയില്‍ ക്ഷമാപണം നടത്തില്ലെന്ന് ഇന്‍ഡോര്‍ എം.എല്‍. ആകാശ് വിജയ് വര്‍ഗിയ.
ചെയ്ത പ്രവത്തിക്ക് ക്ഷമാപണം നടത്തില്ല. എന്നാല്‍ ഇവിടുന്നങ്ങോട്ട് ഗാന്ധിയുടെ പാത പിന്‍തുടരുമെന്നായിരുന്നു വിജയ് വര്‍ഗിയ പറഞ്ഞു.
കേസില്‍ ജാമ്യം ലഭിച്ചതിന് പിന്നാലെ അദ്ദേഹത്തിന്റെ ധീരതയെ പ്രശംസിച്ചുകൊണ്ട് അനുയായികള്‍ മുദ്രാവാക്യം വിളിക്കുകയും ആകാശത്തേക്ക് വെടിയുതിര്‍ക്കുകയും ചെയ്യുന്ന വീഡിയോകള്‍ പ്രത്യക്ഷപ്പെട്ടിരുന്നു. പശ്ചാത്തലത്തില്‍ ബി.ജെ.പി പതാകകളും ഉണ്ടായിരുന്നു.
