ബി.ജെ.പിയെ പ്രതിരോധത്തിലാക്കി അകാലിദള്‍; 'ദേശീയ പൗരത്വ ബില്‍ സ്വാഗതാര്‍ഹം, പക്ഷെ മുസ്‌ലിംങ്ങളും വേണം അതിനകത്ത്'
ഡൂള്‍ന്യൂസ് ഡെസ്‌ക്
Sunday, 8th December 2019, 8:51 pm
മുക്തസര്‍: ദേശീയ പൗരത്വ ബില്‍ പാര്‍ലമെന്റില്‍ അവതരിപ്പിക്കാനുള്ള എന്‍.ഡി.എ സര്‍ക്കാര്‍ തീരുമാനത്തെ സ്വാഗതം ചെയ്ത് ശിരോമണി അകാലി ദള്‍. എന്നാല്‍ മതത്തെ പരിഗണിക്കാതെ എല്ലാ മനുഷ്യരെയും ബില്ലില്‍ ഉള്‍പ്പെടുത്തണമെന്ന് അകാലിദള്‍ ആവശ്യപ്പെട്ടു.
ബില്‍ നടപ്പിലാക്കുമ്പോള്‍ രാജ്യത്തിന്റെ സോഷ്യലിസ്റ്റ്, മതേതര, ജനാധിപത്യ നയങ്ങളെ കുറിച്ചും അതേ പോലെ മനുഷ്യത്വപരമായ തത്വങ്ങളെ കുറിച്ചും ആലോചിച്ച് മതത്തിന്റെ അടിസ്ഥാനത്തില്‍ മുസ്‌ലിംങ്ങളെ ബില്ലില്‍ നിന്ന് ഒഴിവാക്കരുതെന്നാണ് അകാലിദള്‍ ആവശ്യം.
