മധുരരാജയുടെ സെറ്റില്‍ മമ്മൂട്ടിയും ബോളിവുഡ് നടി സണ്ണി ലിയോണും ഒരുമിച്ചിരിക്കുന്ന ചിത്രം കഴിഞ്ഞ ദിവസം സാമൂഹിക മാധ്യങ്ങളില്‍ പ്രചരിച്ചിരുന്നു. വൈശാഖ് സംവിധാനം ചെയ്യുന്ന മധുരരാജയിലെ മമ്മൂട്ടിയും സണ്ണിയുമൊത്തുള്ള ഗാനരംഗത്തിലെ ചിത്രങ്ങളായിരുന്നു വൈറലായത്.
പിന്നാലെ ആ ചിത്രം സാമൂഹിക മാധ്യമങ്ങളിലൂടെ പങ്കുവച്ചു പുലിവാല് പിടിച്ചിരിക്കുകയാണ് നടന്‍ അജു വര്‍ഗീസ്. അക്ക വിത്ത് ഇക്ക എന്ന അടികുറിപ്പോടുകൂടിയായിരുന്നു അജു ചിത്രം പങ്കുവച്ചത്. ഇതിന് തൊട്ടുപിന്നാലെ സണ്ണിയെയും മമ്മൂട്ടിയെയും അധിക്ഷേപിക്കുന്ന തരത്തിലുള്ള പരാമര്‍ശങ്ങളായും മോര്‍ഫ് ചെയ്ത ചിത്രങ്ങളായും കമന്റുകളെത്തി.
വ്യാജ ഐഡികളില്‍ നിന്നാണ് ഭൂരിഭാഗം കമന്റുകളും വന്നത്. ചിലര്‍ അങ്ങേയറ്റം സ്ത്രീവിരുദ്ധവും അശ്ലീലമായതുമായ പരാമര്‍ശങ്ങളാണ് നടത്തിയത്.
തുടര്‍ന്ന്് ഇന്‍സ്റ്റഗ്രാമിലും ഫേസ്ബുക്കിലും പങ്കുവെച്ച ചിത്രം അജു ഫേസ്ബുക്കില്‍ നിന്നും നീക്കം ചെയ്തു.
2010 ല്‍ പുറത്തിറങ്ങിയ പോക്കിരിരാജയുടെ രണ്ടാംഭാഗമാണ് മധുരരാജ. സിനിമയുടെ ചിത്രീകരണത്തിനായി കഴിഞ്ഞ ആഴ്ച സണ്ണി കൊച്ചിയില്‍ എത്തിയിരുന്നു.
ചിത്രത്തിലെ ഐറ്റം ഡാന്‍സ് രംഗത്താണ് ഇരുവരും ഒന്നിക്കുന്നത്. മമ്മൂട്ടി-പൃഥ്വിരാജ് എന്നിവര്‍ ഒന്നിച്ച സൂപ്പര്‍ഹിറ്റ് ചിത്രം പോക്കിരിരാജയുടെ രണ്ടാം ഭാഗമാണ് മധുരരാജ. ഉദയകൃഷ്ണയുടെ തിരക്കഥയില്‍ വൈശാഖ് സംവിധാനം ചെയ്യുന്ന ചിത്രം നിര്‍മ്മിക്കുന്നത് നെല്‍സണ്‍ ഐപ്പാണ്.
പീറ്റര്‍ ഹെയ്‌നാണ് ആക്ഷന്‍ കൊറിയോഗ്രഫി ചെയ്തിരിക്കുന്നത്. 2009ല്‍ പുറത്തിറങ്ങിയ പോക്കിരിരാജയുടെ രണ്ടാം ഭാഗമാണ് മധുരരാജ. മധുരരാജയില്‍ പൃഥ്വിരാജില്ലെന്നാണ് കരുതുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ ആവേശത്തോടെയാണ് ആരാധകര്‍ സ്വീകരിച്ചത്