ജെ.എന്‍.യുവില്‍ എ.ബി.വി.പി - എ.ഐ.എസ്.എ സംഘര്‍ഷം; നിരവധിപേര്‍ക്ക് പരിക്ക്
ഡൂള്‍ന്യൂസ് ഡെസ്‌ക്
Monday, 15th November 2021, 12:09 pm
ന്യൂദല്‍ഹി: ജെ.എന്‍.യു ക്യാമ്പസില്‍ എ.ഐ.എസ്.എ – എ.ബി.വി.പി സംഘര്‍ഷം. ഇരുപാര്‍ട്ടികളും തമ്മില്‍നടന്ന സംഘര്‍ഷത്തില്‍ നിരവധിപേരെ എംയിസില്‍ പ്രവേശിപ്പിച്ചു.
ഞായറാഴ്ചയാണ് വിദ്യാര്‍ത്ഥികള്‍ ഏറ്റുമുട്ടിയത്. ക്യാമ്പസില്‍ ഒരു സെമിനാര്‍ നടത്തുന്നതുമായി ബന്ധപ്പെട്ട തകര്‍ക്കമാണ് സംഘര്‍ഷത്തിലെത്തിയത്. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.
”സ്റ്റുഡന്റ് യൂണിയന്‍ ഹാളില്‍ ഒരു സെമിനാര്‍ സംഘടിപ്പിച്ചതിന്റെ പേരില്‍ രണ്ട് കൂട്ടം വിദ്യാര്‍ത്ഥികള്‍ക്കിടയില്‍ തര്‍ക്കങ്ങള്‍ നടന്നതായി അന്വേഷണത്തില്‍ മനസ്സിലായി,” പൊലീസ് പറഞ്ഞു.
