'മത്സ്യം കൂര്‍മ്മം, രാമന്‍, കൃഷ്ണന്‍ പിന്നെ അമ്മയും'; ജയലളിത മഹാവിഷ്ണുവിന്റെ പതിനൊന്നാമത്തെ അവതാരമെന്ന് തമിഴ്‌നാട് എം.എല്‍.എ
ചെന്നൈ: തമിഴ്‌നാട് മുന്‍ മുഖ്യമന്ത്രി ജയലളിത മഹാവിഷ്ണുവിന്റെ പതിനൊന്നാമത്തെ അവതാരണാണെന്ന് എ.ഐ.എ.ഡി.എം.കെ എം.എല്‍.എ മാരിയപ്പന്‍ കെന്നഡി. തമിഴ്‌നാട് നിയമസഭയിലാണ് തങ്ങളുടെ മുന്‍ നേതാവ് മഹാവിഷ്ണുവിന്റെ അവതാരമാണെന്ന് മാരിയപ്പന്‍ പറഞ്ഞത്.
Also read ‘ ഇതോ എ.ഐ.എസ്.എഫിന്റെ പുരോഗമനം?’; ബ്രണ്ണന്‍ കോളേജ് മാഗസിന്‍ വിവാദത്തില്‍ എസ്.എഫ്.ഐ വനിതാ പ്രവര്‍ത്തകരെ അപമാനിക്കുന്ന ഫെയ്‌സ്ബുക്ക് പോസ്റ്റുമായി എ.ഐ.എസ്.എഫ് നേതാവ്; പ്രതിഷേധാഗ്നി ആളിക്കത്തുന്നു
ജയലളിതയും തമിഴ് ജനതയും തമ്മിലുള്ള ബന്ധം ഏറെ വൈകാരികമായതാണെന്ന് ജയലളിത ജീവിച്ചിരുന്നപ്പോഴും മരിച്ചപ്പോഴും ഇന്ത്യന് ജനത പലകുറി ഇത് കണ്ടതുമാണ്. രാഷ്ട്രീയ നേതാവില് കവിഞ്ഞ സ്ഥാനം പാര്ട്ടിയിലെ സഹപ്രവര്ത്തകരും അണികളും അവര്ക്ക് നല്കിയിരുന്നെന്നതും യാഥാര്ത്ഥ്യമാണ്.
ഇതിന്റെ മറ്റൊരു വശമായിരുന്നു ഇന്ന് നിയമസഭയിലെ എം.എല്‍.എയുടെ പരാമര്‍ശം. പ്രസംഗത്തിനിടെ വിഷ്ണു ഭഗവാന്റെ 10 അവതാരങ്ങളുടെ പേരുകളും പറഞ്ഞ എം.എല്‍.എ പതിനൊന്നാമത്തെ അവതാരം ജയലളിതയാണെന്നായിരുന്നു അഭിപ്രായപ്പെട്ടത്. ഉന്നത വിദ്യാഭ്യാസ രംഗത്തെ ആനുകൂല്യങ്ങളെ കുറിച്ചുള്ള ചര്‍ച്ചക്കിടെയായിരുന്നും എം.എല്‍.എയുടെ പരാമര്‍ശം.
Dont miss സിനിമയിലെ ആണുങ്ങളോട് കളിച്ചതിന്റെ പേരില്‍ പലര്‍ക്കും അവസരങ്ങള്‍ നഷ്ടമാകുന്നു: റിമ കല്ലിങ്കല്‍
ജയലളിതയ്ക്ക് പകരക്കാരിയാവാന് യോഗ്യത വി.കെ ശശികലയ്ക്ക് ആണെന്ന് പറഞ്ഞ മാരിയപ്പന്‍ ഒരുപടി കടന്ന് തമിഴ്നാടിനെ നയിക്കാന് ശശികലയ്ക്ക് മാത്രമേ കഴിയൂ എന്നും കൂട്ടിച്ചേര്ത്തു. ജയലളിതയക്ക് അമാനുഷിക പരിവേഷം നല്കുന്നതില് തമിഴ് ജനത എന്നും മുന്നിലായിരുന്നു. മുന്‍ മുഖ്യമന്ത്രി ഒ പനീര്ശെല്വം ജയലളിതയുടെ ശവകൂടിരത്തില് പോയി “അമ്മയുടെ ആത്മാവിനോട്” സംസാരിച്ചതുും അമ്മയുടെ വാക്കുകള് നിറവേറ്റാന് ഇറങ്ങി തിരിച്ചതും ആരും മറക്കാനിടയില്ല.
ജയലളിതയുടെ മരണശേഷം വി.കെ ശശികല നടത്തിയ പ്രസംഗത്തിലും ജലലളിത അസാമാന്യ പാടവമുള്ള നേതാവായിരുന്നു. “എല്ലാ ദിവസവും അമ്മയുടെ ആത്മാവ് തന്നോട് സംസാരിക്കാറുണ്ടെന്നും, തമിഴ്‌നാട് ജനങ്ങളുടെ ഉത്തരവാദിത്വം തനിക്കാണെന്ന് പറഞ്ഞെന്നും” അന്ന് ശശികല പറഞ്ഞിരുന്നു.
