വീണ്ടും കൊവിഡ് മരണം; ചികിത്സയിലിരിക്കെ മരിച്ച ആലപ്പുഴ സ്വദേശിക്ക് കൊവിഡ് സ്ഥീരികരിച്ചു
ഡൂള്‍ന്യൂസ് ഡെസ്‌ക്
Tuesday, 14th July 2020, 10:13 am
ആലപ്പുഴ: സംസ്ഥാനത്ത് വീണ്ടും കൊവിഡ് മരണം. ആലപ്പുഴയില്‍ മരിച്ചയാള്‍ക്ക് കൊവിഡ് സ്ഥിരീകരിച്ചു. ആലപ്പുഴ ചുനക്കര സ്വദേശി നസീറിനാണ് രോഗം സ്ഥിരീകരിച്ചത്. വണ്ടാനം മെഡിക്കല്‍ കോളേജില്‍ ചികിത്സയിലായിരുന്നു ഇദ്ദേഹം. ഞായറാഴ്ചയാണ് മരണം സംഭവിച്ചത്. തുടര്‍ന്ന് നടത്തിയ പരിശോധനയിലാണ് രോഗം സ്ഥിരീകരിച്ചത്. അര്‍ബുദ രോഗത്തിന് ചികിത്സയിലായിരുന്നു നസീര്‍ എന്നാണ് റിപ്പോര്‍ട്ടുകള്‍.
ജൂലൈ ആദ്യ വാരമാണ് നസീര്‍ സൗദിയില്‍ നിന്ന് നാട്ടിലെത്തിയത്. തുടര്‍ന്ന് കാന്‍സര്‍ ചികിത്സയ്ക്കായി ഇയാള്‍ കോട്ടയം മെഡിക്കല്‍ കോളേജില്‍ പോയിരുന്നു. ഇതിനുശേഷമാണ് വണ്ടാനം മെഡിക്കല്‍ കോളേജില്‍ ചികിത്സ ആരംഭിച്ചത്.
