21 വര്‍ഷങ്ങള്‍ക്ക് ശേഷം വീണ്ടും; ഇന്ത്യയുടെ ഹര്‍നാസ് സന്ധുവിന് വിശ്വസുന്ദരി പട്ടം
എന്റര്‍ടെയിന്‍മെന്റ് ഡെസ്‌ക്
Monday, 13th December 2021, 10:14 am
ഇസ്രഈല്‍: 21 വര്‍ഷങ്ങള്‍ക്ക് ശേഷം വിശ്വസുന്ദരി പട്ടം ഇന്ത്യയ്ക്ക്.ചണ്ഡിഗഢ് സ്വദേശിയായ ഹര്‍നാസ് സന്ധുവിനാണ് വിശ്വസുന്ദരി പട്ടം ലഭിച്ചത്. 2019 ല്‍ മിസ് ഇന്ത്യ പട്ടം ഹര്‍നാസിനായിരുന്നു.
നേരത്തെ സുസ്മിത സെന്നും ലാറ ദത്തയും ഇന്ത്യയില്‍ നിന്ന് വിശ്വസുന്ദരി പട്ടം നേടിയിരുന്നു. ഇസ്രായേലിലെ എയ്ലാറ്റില്‍ നടന്ന മത്സരത്തില്‍ മത്സരാര്‍ത്ഥികളായ പരാഗ്വേയെയും ദക്ഷിണാഫ്രിക്കയെയും പിന്തള്ളിയാണ് ഹര്‍നാസ് കിരീടം നേടിയത്.
ആഗോളതലത്തില്‍ തത്സമയ സംപ്രേക്ഷണം ചെയ്ത പരിപാടിയില്‍ മെക്‌സിക്കോയില്‍ നിന്നുള്ള 2020 ലെ വിശ്വസുന്ദരിയായിരുന്ന ആന്‍ഡ്രിയ മെസയാണ് ഹര്‍നാസ് സന്ധുവിന് കിരീടം സമ്മാനിച്ചത്.
