മലയന്‍ കുഞ്ഞിന് പിന്നാലെ എ.ആര്‍ റഹ്മാനും ഫഹദ് ഫാസിലും വീണ്ടും ഒന്നിക്കുന്നു, ഇത്തവണ തമിഴില്‍
എന്റര്‍ടെയിന്‍മെന്റ് ഡെസ്‌ക്
Tuesday, 4th January 2022, 10:01 am
ചെന്നൈ: കരിയറിലെ നീണ്ട 28 വര്‍ഷങ്ങളുടെ ഇടവേളക്ക് ശേഷമാണ് എ.ആര്‍ റഹ്മാന്‍ മലയാളത്തിലേക്ക് തിരികെയെത്തിയത്. ആടുജീവിതം, മലയന്‍ കുഞ്ഞ് എന്നീ ചിത്രങ്ങള്‍ക്കായിട്ടാണ് എ.ആര്‍ റഹ്മാന്‍ യോദ്ധയ്ക്ക് ശേഷം മലയാളത്തില്‍ സംഗീതം പകരുന്നത്.
മലയന്‍ കുഞ്ഞിന് ശേഷം മറ്റൊരു ഫഹദ് ഫാസില്‍ ചിത്രത്തിന് കൂടി സംഗീതം പകരാന്‍ ഒരുങ്ങുകയാണ് എ.ആര്‍ റഹ്മാനിപ്പോള്‍. പരിയേറും പെരുമാള്‍, കര്‍ണന്‍ എന്നീ ചിത്രങ്ങള്‍ക്ക് ശേഷം മാരി സെല്‍വരാജ് സംവിധാനം ചെയ്യുന്ന പുതിയ ചിത്രത്തിലാണ് എ.ആര്‍ റഹ്മാനും ഫഹദ് ഫാസിലും ഒന്നിക്കുന്നത്.
ഉദയനിധി സ്റ്റാലിന്‍, ഫഹദ് ഫാസില്‍, കീര്‍ത്തി സുരേഷ് എന്നിവരാണ് ചിത്രത്തിലെ പ്രധാനവേഷത്തില്‍ എത്തുന്നത്. തമിഴ്‌നാട്ടില്‍ അധികാരത്തിലെത്തിയതോടെ സിനിമയില്‍ നിന്ന് ഇടവേളയെടുക്കാനുള്ള തയ്യാറെടുപ്പിലാണ് ഉദയനിധി.
