'മീശ മുറിക്കുന്ന മുസ്‌ലിങ്ങളുടെ തൊണ്ട മുറിക്കാന്‍ കഴിയും'; ബി.ജെ.പി നേതാവിന്റെ കൊലവിളി
ഡൂള്‍ന്യൂസ് ഡെസ്‌ക്
Saturday, 10th July 2021, 12:52 pm
ഗുഡ്ഗാവ്: മുസ്‌ലിങ്ങള്‍ക്കെതിരെ കൊലവിളി നടത്തിയ ബി.ജെ.പി. നേതാവിനെതിരെ നടപടിയെടുക്കാതെ ഹരിയാന പൊലീസ്. നൂറുകണക്കിന് പൊലീസ് നോക്കിനില്‍ക്കേയായിരുന്നു ബി.ജെ.പി. വക്താവ് സൂരജ് പാല്‍ ആമുവിന്റെ കൊലവിളി.
മഹാപഞ്ചായത്തില്‍ നടത്തിയ പ്രസംഗത്തിലാണ് ഇയാള്‍ മുസ്‌ലിങ്ങള്‍ക്കെതിരെ പരാമര്‍ശം നടത്തിയത്. എന്നാല്‍ ഇതുവരെ പരിപാടിയുടെ സംഘാടകര്‍ക്കെതിരെ പൊലീസ് നടപടിയൊന്നും സ്വീകരിച്ചിട്ടില്ല.
‘അവര്‍ (മുസ്‌ലിങ്ങള്‍) അവരുടെ മീശ മുറിക്കുന്നു, ഞങ്ങള്‍ക്ക് തൊണ്ട മുറിക്കാന്‍ കഴിയും. ഞങ്ങള്‍ അവരെ (മുസ്‌ലിങ്ങളെ) ഒന്നൊന്നായി തിരഞ്ഞുപിടിക്കും” ആമു വീഡിയോയില്‍ പറയുന്നു.
വിശ്വ ഹിന്ദു പരിഷത്ത്, ബജ്റംഗ്ദള്‍, ഗോ രക്ഷാ സംഘം, ചില ഗ്രാമത്തലവന്മാര്‍ എന്നിവരാണ് പരിപാടി സംഘടിപ്പിച്ചത്.
