27 വര്‍ഷങ്ങള്‍ക്കിപ്പുറത്ത് അമേരിക്കന്‍ ബോക്‌സ് ഓഫീസിനെ വീണ്ടും ഹരം കൊള്ളിച്ച് ജുറാസിക് പാര്‍ക്
എന്റര്‍ടെയിന്‍മെന്റ് ഡെസ്‌ക്
Wednesday, 24th June 2020, 1:24 pm
കൊവിഡ് പ്രതിസന്ധികള്‍ക്കിടയിലും ചരിത്രം ആവര്‍ത്തിച്ച് ജുറാസിക് പാര്‍ക്. കൊവിഡ് വ്യാപകമായി പടര്‍ന്നതോടെ ലോകത്തിന്റെ വിവിധ ഭാഗങ്ങളിലെ സിനിമാ തിയറ്റുകള്‍ അടച്ചിരുന്നു. വൈറസ് വ്യാപനം നടയുന്നതിന്റെ ഭാഗമായി ആളുകള്‍ തിയറ്റര്‍ എക്‌സപീരിയന്‍സിന് തത്ക്കാലം വിടനല്‍കുകയും ഡ്രൈവ് ഇന്‍ തിയറ്റര്‍ തിരഞ്ഞെടുക്കുകയും ചെയ്തിരുന്നു.
എന്നാല്‍ ഈ ഒരു ഘട്ടത്തിലാണ് സിനിമാ മേഖലയ്ക്ക് പ്രതീക്ഷ നല്‍കിക്കൊണ്ട് ജുറാസിക് പാര്‍കിന്റെ പ്രദര്‍ശനം.
ഏറെ നാളത്തെ അടച്ചിടലിന് ശേഷം അമേരിക്കയിലെ ചില സിനിമാ ഹാളുകള്‍ തുടര്‍ന്നിട്ടുണ്ട്. തിയറ്ററുകള്‍ വീണ്ടും തുറന്നപ്പോള്‍ കളിക്കാന്‍ തിരഞ്ഞെടുത്ത സിനിമകള്‍ ഒരുകാലത്ത് ആരാധ ഹൃദയങ്ങള്‍ കീഴടക്കിയ ജുറാസിക് പാര്‍ക് പോലുള്ള ക്ലാസിക്ക് സിനിമകളാണ്.
ആശ്വസിക്കാന്‍ വകയുള്ള വരുമാനം ജുറാസിക് പാര്‍ക്കിന്റെ പ്രദര്‍ശനത്തിലൂടെ ലഭിച്ചെന്നാണ് വിവരങ്ങള്‍.
