'വല്ലാതങ്ങ് കളിക്കണ്ട'; താരങ്ങളോട് അഫ്ഗാനിസ്ഥാന്‍ ക്രിക്കറ്റ് ബോര്‍ഡ്
സ്പോര്‍ട്സ് ഡെസ്‌ക്
Tuesday, 14th December 2021, 11:54 am
മൂന്നിലധികം ടി-20 ഫ്രാഞ്ചൈസി ലീഗില്‍ തങ്ങളുടെ താരങ്ങളെ കളിക്കാനനുവദിക്കില്ലെന്ന് സൂചന നല്‍കി അഫ്ഗാന്‍ ക്രിക്കറ്റ് ബോര്‍ഡ് (എ.സി.ബി) പുതുതായി തെരഞ്ഞെടുക്കപ്പെട്ട 14 അംഗ കമ്മിറ്റിയുടെ നിര്‍ദേശപ്രകാരമാണ് എ.സി.ബി തീരുമാനമെടുത്തിട്ടുള്ളത്.
രാജ്യത്ത് ആഭ്യന്തര ക്രിക്കറ്റിന്റെ വളര്‍ച്ചയെ സഹായിക്കാനാണ് പുതിയ തീരുമാനമെന്നാണ് എ.സി.ബി അറിയിച്ചിരിക്കുന്നത്.
നിലവില്‍ അഫ്ഗാനിസ്ഥനിലെ ക്രിക്കറ്റിന്റെ അവസ്ഥയും ഭാവിയും തുടങ്ങിയ കാര്യങ്ങളാണ് കമ്മിറ്റി ചര്‍ച്ച ചെയ്തിട്ടുള്ളത്.
‘എ.സി.ബി കളിക്കാരെ വിവിധ ഫ്രാഞ്ചൈസി ലീഗുകളില്‍ കളിക്കുന്നതില്‍ നിന്നും വിലക്കാന്‍ സാധ്യതയുണ്ട്. ഒരു വര്‍ഷത്തില്‍ മൂന്ന് ലീഗുകള്‍ മാത്രം കളിച്ചാല്‍ മതിയെന്നാണ് പുതിയ നിര്‍ദേശം. എന്നാല്‍,ഏത് ലീഗില്‍ കളിക്കണമെന്ന് താരങ്ങള്‍ക്ക് തീരുമാനിക്കാം,’ കമ്മിറ്റിയംഗമായ റമീസ് അഹ്മദ്‌സായി പറഞ്ഞു.
