ഖത്തര്‍ ലോകകപ്പ് ഫൈനലിലെ ജയത്തിന് ശേഷം അര്‍ജന്റൈന്‍ ഗോള്‍ കീപ്പര്‍ എമിലിയാനോ മാര്‍ട്ടിനെസ് പലവിധേന എംബാപ്പെയെ പരിഹസിച്ചത് വലിയ വിവാദങ്ങള്‍ക്ക് വഴിയൊരുക്കിയിരുന്നു.
ഏറ്റവും മികച്ച ഗോള്‍ കീപ്പറിനുള്ള ഗോള്‍ഡന്‍ ഗ്ലൗ സ്വന്തമാക്കിയ മാര്‍ട്ടിനെസ് പുരസ്‌കാര വേദിയില്‍ വെച്ച് ഫ്രഞ്ച് താരങ്ങള്‍ക്കെതിരെ അശ്ലീല ആംഗ്യം കാണിച്ചുകൊണ്ടായിരുന്നു തുടക്കം. തുടര്‍ന്ന് ഡ്രസിങ് റൂമില്‍ ജയമാഘോഷിക്കുന്നതിനിടെ എംബാപ്പെയെ പരിഹസിച്ച് മൗനമാചരിച്ചതും വലിയ വിവാദം സൃഷ്ടിച്ചിരുന്നു.
‘ഈ ലോകകപ്പോടു കൂടി ഏറ്റവും കൂടുതല്‍ വെറുക്കപ്പെട്ട ആളായി മാറിയിരിക്കുകയാണ് മാര്‍ട്ടിനെസ്. ഗോള്‍ഡന്‍ ഗ്ലൗ സത്യത്തില്‍ യാസീന്‍ ബോണോക്ക് ലഭിക്കണമായിരുന്നു. അപ്പോള്‍ കാണാമായിരുന്നു മാര്‍ട്ടിനെസ് എങ്ങനെ അഹങ്കരിക്കുമായിരുന്നെന്ന്,’ റാമി വ്യക്തമാക്കി.
അതേസമയം, എമിലിയാനോ മാര്‍ട്ടിനെസിനെതിരെ ഫ്രഞ്ച് ഫുട്ബോള്‍ ഫെഡറേഷന്‍ പ്രസിഡന്റ് നോയല്‍ ലെ ഗ്രേറ്റ് പരാതി നല്‍കിയിരിക്കുകയാണ്. മാര്‍ട്ടിനെസ് എംബാപ്പെയെ അപകീര്‍ത്തിപ്പെടുത്തിയതിനാണ് പരാതി.
“Emiliano Martínez es la mayor mierda del mundo del fútbol. El hombre más odiado. El guante de oro era para Bono”.
ലോകകപ്പിന് ശേഷം അര്‍ജന്റൈന്‍ ഗോള്‍ കീപ്പര്‍ ഫ്രഞ്ച് താരങ്ങളോടും പ്രത്യേകിച്ച് കിലിയന്‍ എംബാപ്പെയോടും പെരുമാറിയ രീതി അതിരുകടന്നതാണെന്നും സംഭവത്തോടുള്ള എംബാപ്പെയുടെ സമീപനം മാതൃകാപരമാണെന്നും ലെ ഗ്രേറ്റ് പറഞ്ഞു.
സംഭവത്തില്‍ മാര്‍ട്ടിനെസിനെതിരെ നടപടിയെടുക്കാന്‍ അധികൃതര്‍ക്ക് പരാതി നല്‍കിയിട്ടുണ്ടെന്നും അര്‍ജന്റീനയുടെ ഫുട്ബോള്‍ അസോസിയേഷന്‍ പ്രസിഡന്റുമായി കൂടിക്കാഴ്ച്ച നടത്തി വിഷയത്തിലെ സ്ഥിതിഗതികളെ കുറിച്ച് സംവദിക്കുമെന്നും അദ്ദേഹം വ്യക്തമാക്കി.
