അടിയുണ്ടാക്കാന്‍ അഹാനയും ഷൈന്‍ ടോമും ഉടന്‍ എത്തുന്നു; ട്രെയ്‌ലറും റിലീസ് ഡേറ്റും പുറത്ത്
എന്റര്‍ടെയിന്‍മെന്റ് ഡെസ്‌ക്
Tuesday, 28th March 2023, 7:52 pm
ദുല്‍ഖര്‍ സല്‍മാന്റെ നിര്‍മാണ കമ്പനിയായ വേഫെയ്‌റര്‍ ഫിലിംസിന്റെ ബാനറില്‍ പുറത്തിറങ്ങുന്ന ഏറ്റവും പുതിയ ചിത്രമായ അടിയുടെ ട്രെയ്‌ലര്‍ പുറത്തുവിട്ടു. ഷൈന്‍ ടോം ചാക്കോ, അഹാന കൃഷ്ണ എന്നിവരാണ് ചിത്രത്തിലെ പ്രധാന കഥാപാത്രങ്ങള്‍.
ദുല്‍ഖര്‍ സല്‍മാന്റെ യൂട്യൂബ് ചാനലിലൂടെയാണ് ട്രെയ്‌ലര്‍ പുറത്തുവിട്ടത്. ഷൈനും അഹാനയും മാത്രമാണ് ഇപ്പോള്‍ പുറത്തുവിട്ട ട്രെയ്‌ലറില്‍ ഉള്ളത്. ഒരു മുറിയില്‍ വെച്ച് അഹാനയുടെ കഴുത്തില്‍ ഷൈന്‍ താലി കെട്ടുന്നതാണ് ട്രെയ്‌ലറില്‍ കാണുന്നത്.
ഷൈനിന്റെയും അഹാനയുടെയും മുഖത്ത് അടി കൊണ്ട പാടുകളും കാണാനുണ്ട്. പ്രശോഭ് വിജയന്‍ സംവിധാനം ചെയ്ത ചിത്രം ഏപ്രില്‍ 14നാണ് റിലീസ് ചെയ്യുന്നതെന്നും ട്രെയ്‌ലറിലൂടെ അനൗണ്‍സ് ചെയ്തിട്ടുണ്ട്.
