ബിഗ് ബാഷ് ലീഗില്‍ ചരിത്രം സൃഷ്ടിച്ച് അഡ്‌ലെയ്ഡ് സ്‌ട്രൈക്കേഴ്‌സ്. ബി.ബി.എല്ലിലെ ഏറ്റവും വലിയ സക്‌സസ്ഫുള്‍ റണ്‍ ചെയ്‌സുമായാണ് സ്‌ട്രൈക്കേഴ്‌സ് ബി.ബി.എല്ലിന്റെ ചരിത്രത്തില്‍ ഇടം നേടിയത്.
അഡ്‌ലെയ്ഡ് ഓവലില്‍ വെച്ചായിരുന്നു ബി.ബി.എല്ലിന്റെ 12 വര്‍ഷത്തെ ഏറ്റവും മികച്ച മത്സരം നടന്നത്. ഹൊബാര്‍ട്ട് ഹറികെയ്ന്‍സ്-അഡ്‌ലെയ്ഡ് സ്‌ട്രൈക്കേഴ്‌സ് മത്സരത്തിലായിരുന്നു ഈ റെക്കോഡ് സൃഷ്ടിക്കപ്പെട്ടത്.
ടോസ് നേടിയ സ്‌ട്രൈക്കേഴ്‌സ് എതിരാളികളെ ബാറ്റിങ്ങിനയക്കുകയായിരുന്നു. ഹറികെയ്ന്‍സ് നിരയില്‍ മൂന്ന് പേര്‍ അര്‍ധ സെഞ്ച്വറി തികച്ചപ്പോള്‍ സ്‌കോര്‍ പറപറന്നു. ഓപ്പണര്‍മാരായ ബെന്‍ മക്‌ഡെര്‍മോട്ടും കാലേബ് ജുവലും സാക്ക് ക്രോളിയുമാണ് ഹറികെയ്ന്‍സിനായി അര്‍ധ ശതകം തികച്ചത്.
Highest Hurricanes total, how are ya? 🔥
What an innings from our boys! #TasmaniasTeam #BBL12 pic.twitter.com/mwMSuATQMu
— Hobart Hurricanes (@HurricanesBBL) January 5, 2023
മക്‌ഡെര്‍മോട്ട് 30 പന്തില്‍ നിന്നും 57 റണ്‍സും ജുവല്‍ 25 പന്തില്‍ നിന്നും 54 റണ്‍സും നേടി പുറത്തായപ്പോള്‍ ക്രോളി 28 പന്തില്‍ നിന്നും പുറത്താകാതെ 54 റണ്‍സ് നേടി. ഇവര്‍ക്ക് പുറമെ ടിം ഡേവിഡും ബാറ്റിങ്ങില്‍ മികച്ച പ്രകടനം കാഴ്ചവെച്ചു.
