അദാര്‍ പൂനെവാലയ്ക്ക് വൈ സുരക്ഷ പോരാ, ഇസഡ് പ്ലസ് സുരക്ഷ വേണം; കോടതിയില്‍ ഹരജി
ഡൂള്‍ന്യൂസ് ഡെസ്‌ക്
Thursday, 6th May 2021, 12:36 pm
മുംബൈ: കൊവിഷീല്‍ഡ് വാക്സിന് നിര്‍മ്മാതാക്കളായ സെറം ഇന്‍സ്റ്റിറ്റ്യൂട്ട് സി.ഇ.ഒ അദാര്‍ പുനെവാലയ്ക്കും കുടുംബത്തിനും സുരക്ഷ കൂട്ടണമെന്നാവശ്യപ്പെട്ട് ഹരജി.
നിലവിലെ വൈ കാറ്റഗറി സുരക്ഷ അപര്യാപ്തമാണെന്നും ഇസഡ് പ്ലസ് സുരക്ഷ നല്‍കണമെന്നും കാണിച്ചാണ് മുംബൈ ഹൈക്കോടതിയില്‍ ഹരജി നല്‍കിയിരിക്കുന്നത്.
മുംബൈയിലെ അഭിഭാഷകനായ ദത്തമാനെയാണ് ഹൈക്കോടതിയില്‍ ഹരജി നല്‍കിയിരിക്കുന്നത്. പൂനെവാലക്ക് മാത്രമല്ല കുടുംബത്തിനും സ്ഥാപനങ്ങള്‍ക്കും സുരക്ഷ ഏര്‍പ്പെടുത്തണം, അദ്ദേഹത്തിന് ധാരാളം ഭീഷണികള്‍ എത്തുന്നുണ്ടെന്നും ഹരജിക്കാരന്‍ പറയുന്നു.
