മ്യാന്മര് സൈന്യത്തിന് കീഴിലുള്ള കമ്പനിയുമായി അദാനി ഗ്രൂപ്പിന് കോടികളുടെ കരാര്‍; കൂടിക്കാഴ്ച നടന്നത് ഗുജറാത്തില്‍
ഡൂള്‍ന്യൂസ് ഡെസ്‌ക്
Wednesday, 31st March 2021, 9:21 am
യാംഗോന്‍: മനുഷ്യാവകാശ ലംഘനത്തെ തുടര്‍ന്ന് അമേരിക്ക അടക്കമുള്ള രാജ്യങ്ങള്‍ ഉപരോധം ഏര്‍പ്പെടുത്തിയ മ്യാന്മര് സൈന്യത്തിന് കീഴിലുള്ള കമ്പനിയുടെ തുറമുഖ പദ്ധതിയുമായി അദാനി ഗ്രൂപ്പിന് കോടികളുടെ കരാറുണ്ടെന്ന് റിപ്പോര്‍ട്ട്.
കമ്പിനിയുമായി അദാനി ഗ്രൂപ്പിനുള്ളത് 290 ദശലക്ഷം യു.എസ് ഡോളറിന്റെ കരാറാണെന്നാണ് എ.ബി.സി ന്യൂസ് റിപ്പോര്‍ട്ട് ചെയ്യുന്നത്.
യാംഗോനിയിലെ കണ്ടെയ്‌നര്‍ തുറമുഖത്തിനായി അദാനി ഗ്രൂപ്പും മ്യാന്മര് സൈന്യവും കൈകോര്‍ക്കുന്നതായും റിപ്പോര്‍ട്ടില്‍ പറയുന്നു.
