ഇത് യൂട്യൂബില്‍ ഒക്കെയുള്ള പയ്യനല്ലെ, വേറെ ആളെ നോക്കിയാലോയെന്ന് സംവിധായകനോട് ചോദിച്ചു: വിന്‍സി അലോഷ്യസ്
എന്റര്‍ടെയിന്‍മെന്റ് ഡെസ്‌ക്
Wednesday, 8th February 2023, 9:29 pm
വിന്‍സി അലോഷ്യസ് പ്രധാന കഥാപാത്രമാകുന്ന ചിത്രമാണ് രേഖ. ജിതിന്‍ ഐസക് തോമസ് സംവിധാനം ചെയ്ത ചിത്രത്തില്‍ ഉണ്ണി ലാല്‍ ആണ് മെയില്‍ ലീഡില്‍ എത്തുന്നത്.
ചിത്രത്തില്‍ മെയില്‍ ലീഡായി എത്തുന്നത് ഉണ്ണി ലാല്‍ ആണെന്ന് പറഞ്ഞപ്പോള്‍ തനിക്ക് അനുഭവപ്പെട്ട കാര്യങ്ങളെക്കുറിച്ച് പറയുകയാണ് വിന്‍സി അലോഷ്യസ്. ആരാണ് തന്റെ കൂടെ അഭിനയിക്കുന്നത് എന്നറിയാനുള്ള ആകാംക്ഷ ഉണ്ടായിരുന്നുവെന്നും എന്നാല്‍ ഉണ്ണിയാണെന്ന് അറിഞ്ഞപ്പോള്‍ അദ്ദേഹം സെറ്റാവുമോയെന്ന സംശയം സംവിധായകനോട് ചോദിച്ചുവെന്നും വിന്‍സി പറഞ്ഞു.
ഉണ്ണിയുടെ ഫ്രീഡം ഫൈറ്റ് ഇറങ്ങിയപ്പോള്‍ അതിലെ പെര്‍ഫോമന്‍സ് തന്നെ അതിശയിപ്പിച്ചുവെന്നും സംവിധായകനെ വിളിച്ച് സോറി പറഞ്ഞുവെന്നും ഉണ്ണിയെ തന്നെ വെച്ചാല്‍ മതി എന്ന് താന്‍ പറഞ്ഞുവെന്നും വിന്‍സി പറഞ്ഞു.
