'ഇരട്ടചങ്കന്‍ പൊളി'യാണെന്ന് പു.ക.സ വീഡിയോയില്‍ പാടിയ തെസ്നിഖാന് ധര്‍മ്മജന് വോട്ട് അഭ്യര്‍ത്ഥിച്ച് ബാലുശ്ശേരിയില്‍
ഡൂള്‍ന്യൂസ് ഡെസ്‌ക്
Monday, 29th March 2021, 5:25 pm
ബാലുശ്ശേരി: നടനും ബാലുശ്ശേരി നിയോജകമണ്ഡലത്തിലെ യു.ഡി.എഫ് സ്ഥാനാര്‍ത്ഥിയുമായ ധര്‍മ്മജന് പിന്തുണയുമായി നടി തെസ്നിഖാന് ബാലുശ്ശേരിയില്‍. ഇടത് മുന്നണിക്ക് വോട്ട് തേടി പുരോഗമന കലാ സാഹിത്യ സംഘം (പു.ക.സ) വിഡീയോയില്‍ അഭിനയിച്ചതിന് പിന്നാലെയാണ് യു.ഡി.എഫ് സ്ഥാനാര്‍ത്ഥിയായ ധര്‍മ്മജന് പിന്തുണ തേടി തെസ്‌നി എത്തിയത്.
ധര്‍മ്മജന് വേണ്ടി ബാലുശ്ശേരിയില്‍ എത്തിയ തെസ്‌നി ഖാന്‍ യു.ഡി.എഫിന്റെ കുടുംബ യോഗങ്ങളിലാണ് പങ്കെടുത്തത്. നേരത്തെ ധര്‍മ്മജന് വോട്ട് അഭ്യര്‍ത്ഥിച്ച് രമേഷ് പിഷാരടി, കലാഭവന്‍ ഷാജോണ്‍, ഹരീഷ് കണാരന്‍ തുടങ്ങി നിരവധി താരങ്ങളും എത്തിയിരുന്നു.
‘സഖാവ് നമ്മുടെ ചങ്കാണ്, ഇരട്ടച്ചങ്കന്‍ പൊളിയാണ്..’ എന്ന് പാട്ടുപാടി തെസ്നിഖാന് അഭിനയിച്ച പു.ക.സയുടെ വീഡിയോ നേരത്തെ വിവാദമായിരുന്നു.
