ഇവരാണ് മലയാളത്തില്‍ ഞാന്‍ ഇഷ്ടപ്പെടുന്ന നടന്മാര്‍, ഇവിടേക്ക് വരാനിരിക്കുകയായിരുന്നു, പക്ഷേ എല്ലാം താറുമാറായി: തമന്ന
എന്റര്‍ടെയിന്‍മെന്റ് ഡെസ്‌ക്
Tuesday, 16th February 2021, 10:45 am
മലയാള സിനിമയെ പുകഴ്ത്തി തെന്നിന്ത്യന്‍ താരം തമന്ന ഭാട്ടിയ. മലയാളം തനിക്ക് എന്നും പ്രിയപ്പെട്ടതാണെന്നും മലയാളത്തിലെ പല താരങ്ങള്‍ക്കുമൊപ്പവും അഭിനയിക്കുക എന്നത് തന്റെ ആഗ്രഹമാണെന്നും തമന്ന പറഞ്ഞു.
നല്ല കഥ, കഥാപാത്രം, സംവിധായകര്‍ എന്നിവ ഒത്തുവന്നാല്‍ മലയാളത്തില്‍ അഭിനയിക്കണമെന്നത് എന്റെ ആഗ്രഹമാണ്. ഇന്ത്യന്‍ സിനിമയില്‍ തന്നെ മലയാള ചിത്രങ്ങള്‍ക്ക് ഒരു പ്രത്യേക സ്ഥാനമുണ്ട്. എപ്പോഴും നിറയെ അവാര്‍ഡുകള്‍ വാരിക്കൂട്ടുന്നത് മലയാള ചിത്രങ്ങളാണ്.
മലയാളത്തിലെ പ്രഗല്‍ഭ നടന്മാരായ മമ്മൂട്ടി, മോഹന്‍ലാല്‍, ജയറാം, ദിലീപ്, സുരേഷ് ഗോപി പുതിയ തലമുറയിലെ ഹീറോകളായ പൃഥ്വിരാജ്, ദുല്‍ഖര്‍ സല്‍മാന്‍, ഫഹദ് ഫാസില്‍, ജയസൂര്യ, നിവിന്‍പോളി തുടങ്ങിയവരുടെ കൂടെയൊക്കെ വര്‍ക്ക് ചെയ്യണമെന്നത് എന്റെ ആഗ്രഹമാണ്.
