ചെന്നൈ: നടി കീര്‍ത്തി സുരേഷിനെതിരെ തെലുങ്ക് താരം ശ്രീറെഡ്ഡി. സണ്ടക്കോഴി 2 വിന്റെ പ്രമോഷന്‍ ചടങ്ങിനിടെ ശ്രീറെഡ്ഡി വിഷയവുമായി ബന്ധപ്പെട്ട മാധ്യമപ്രവര്‍ത്തകരുടെ ചോദ്യത്തിന് വിശാല്‍ മറുപടി നല്‍കവേ കീര്‍ത്തി സുരേഷ് ചിരിച്ചതാണ് ശ്രീറെഡ്ഡിയെ പ്രകോപിപ്പിച്ചത്.
തന്നെക്കുറിച്ച് വിശാല്‍ പറയുന്നത് കേട്ടുള്ള കീര്‍ത്തി സുരേഷിന്റെ ചിരി വികൃതമായിരുന്നെന്നും ഒരുദിവസം നിങ്ങള്‍ക്ക് പോരാടുന്നവന്റെ വേദന മനസിലാകുമെന്നും ശ്രീറെഡ്ഡി പറയുന്നു.
“”തന്നെക്കുറിച്ച് വിശാല്‍ പറയുന്നത് കേട്ടുള്ള കീര്‍ത്തി സുരേഷിന്റെ ചിരി വികൃതമായിരുന്നു. വിഷമിക്കേണ്ട മാഡം നിങ്ങള്‍ എന്നും നല്ല നിലയില്‍ ആകണമെന്നില്ല. ഒരുദിവസം നിങ്ങള്‍ക്ക് പോരാടുന്നവന്റെ വേദന മനസിലാകും. ഞാന്‍ ഒരിക്കലും നിങ്ങളുടെ ചിരി മറക്കില്ല…ഓര്‍മയില്‍ ഇരിക്കട്ടെ ..ഇപ്പോള്‍ നിങ്ങള്‍ മേഘങ്ങള്‍ക്കിടയില്‍ പറക്കുകയാണ്.” ശ്രീറെഡ്ഡി ഫേസ്ബുക്കില്‍ കുറിച്ചു.
Watch Video: സര്‍ജിക്കല്‍ സ്‌ട്രൈക്കിന്റെ പുതിയ വീഡിയോ പുറത്ത് വിട്ട് മോദി സര്‍ക്കാര്‍
“ഇത്രയും വിവാദങ്ങള്‍ നടക്കുന്ന സമയത്തും അവര്‍ക്ക് പുതിയ ചിത്രങ്ങളില്‍ അഭിനയിക്കാന്‍ അവസരം ലഭിക്കുകയാണെങ്കില്‍ അത് നല്ല കാര്യമാണെന്നും വളരെ പോസിറ്റീവ് ആയാണ് അതിനെ കാണേണ്ടതെന്നും പറഞ്ഞ് വിശാല്‍ സംസാരിച്ചു തുടങ്ങിയപ്പോഴാണ് കീര്‍ത്തി സുരേഷ് ചിരിയടക്കാനാതെ പണിപ്പെട്ടത്.
ശ്രീറെഡ്ഡിയെ പരിഹസിച്ചായിരുന്നു വിശാലിന്റെ മറുപടി. “ഇത്രയും വിവാദങ്ങള്‍ നടക്കുന്ന സമയത്തും അവര്‍ക്ക് പുതിയ ചിത്രങ്ങളില്‍ അഭിനയിക്കാന്‍ അവസരം ലഭിക്കുകയാണെങ്കില്‍ അത് നല്ല കാര്യമാണ്. പക്ഷേ ഒരു കാര്യം എനിക്ക് ഉറപ്പായും പറയാനാകും. ആരാണോ ആ ചിത്രത്തില്‍ അവരോടൊപ്പം അഭിനയിക്കുന്നത് അവര്‍ വളരെയേറെ ശ്രദ്ധിക്കണം. അവരില്‍ നിന്ന് രക്ഷ നേടാന്‍ എപ്പോഴും ചിത്രീകരണ സ്ഥലത്ത് ഒരു കാമറ വച്ചിരിക്കണം, ശ്രീറെഡ്ഡി അത് വച്ചിട്ടില്ലെങ്കില്‍ പോലും. അവരുടെ ഭാഗത്തു നിന്ന് പ്രൊട്ടക്ഷന്‍ സ്വാഭാവികമായും വന്നുകൊള്ളും”..എന്നായിരുന്നു വിശാലിന്റെ മറുപടി.
നാനിക്കെതിരേ ലൈംഗികാരോപണം ഉന്നയിച്ച ശ്രീറെഡ്ഡിക്കെതിരേ വിശാല്‍ നേരത്തെ രംഗത്ത് വന്നിരുന്നു. ഒരാളുടെ പേര് വിവാദങ്ങളിലേക്ക് വലിച്ചിഴയ്ക്കുമ്പോള്‍, തെളിവുകള്‍ നിരത്തണമെന്നും ഇതേവരെ ശ്രീറെഡ്ഡി തെളിവുകള്‍ ഒന്നും കാണിച്ചിട്ടില്ലെന്നുമായിരുന്നു വിശാല്‍ പറഞ്ഞത്. കൂടാതെ ഇവരുടെ അടുത്ത ഇര ചിലപ്പോള്‍ താനാകുമെന്നും വിശാല്‍ പറഞ്ഞിരുന്നു.