മണിച്ചിത്രത്താഴിലെ നൃത്തം പോലും ഞാന്‍ വീണ്ടും ചെയ്തിട്ടില്ല; ശോഭന
എന്റര്‍ടെയിന്‍മെന്റ് ഡെസ്‌ക്
Sunday, 18th July 2021, 2:32 pm
കൊച്ചി: അഭിനയവും നൃത്തവും ഒരുപോലെ വഴങ്ങുമെന്ന് തെളിയിച്ച നടിയാണ് ശോഭന. ഒരുപിടി മികച്ച ചിത്രങ്ങള്‍ മലയാളിയ്ക്ക് സമ്മാനിച്ച ശോഭന ഇപ്പോഴും നൃത്തവേദികളില്‍ സജീവമാണ്.
ചലച്ചിത്ര താരം എന്ന പ്രശസ്തി നൃത്തവേദികളില്‍ സഹായിച്ചിട്ടുണ്ടോ എന്ന ചോദ്യത്തിന് മറുപടി പറയുകയാണ് ശോഭന. മാതൃഭൂമിയ്ക്ക് നല്‍കിയ അഭിമുഖത്തിലാണ് ശോഭന മനസ്സുതുറന്നത്.
തീര്‍ച്ചയായും സഹായിച്ചിട്ടുണ്ട്. ചലച്ചിത്രതാരം എന്ന നിലയില്‍ എന്നെ വളരെയധികം ആളുകള്‍ അറിയുന്നു. ഇനിയും പല വര്‍ഷങ്ങള്‍ കടന്നുപോയാല്‍ ഈ സ്ഥിതി മാറും.
സിനിമയിലെ പ്രശസ്തി സ്ഥായിയല്ല. ചലച്ചിത്രതാരത്തെ കാണാന്‍ നിങ്ങള്‍ ഒരിക്കല്‍ മാത്രമേ പോവൂ. താരത്തിന്റെ നൃത്തസംബന്ധിയായ പ്രവൃത്തിക്ക് സിനിമയുമായി ബന്ധമൊന്നുമില്ല.
