“സെവപ് എനിക്ക് പുടിക്കും” എന്ന തമിഴ് ചിത്രം ശ്രദ്ധിക്കപ്പെട്ടതിന്റെ സന്തോഷത്തിലാണ് നടി സാന്ദ്ര ആമി. ചിത്രത്തില്‍ ഒരു ലൈംഗിക തൊഴിലാളി ആയാണ് സാന്ദ്ര അഭിനയിച്ചത്.

കുടുംബപേക്ഷകര്‍ കണ്ടിരിക്കേണ്ട ചിത്രമാണ് ഇതെന്ന് സാന്ദ്ര പറയുന്നു. മഹിമ എന്ന ലൈംഗിക തൊഴിലാളിയായിട്ടാണ് ചിത്രത്തില്‍ സാന്ദ്ര എത്തുന്നത്.

“ഞാനും ഭര്‍ത്താവും ഒരുമിച്ചാണ് ചിത്രത്തിന്റെ തിരക്കഥ വായിച്ചത്. അദ്ദേഹമാണ് ഈ ചിത്രം ചെയ്യണമെന്ന് ആവശ്യപ്പെട്ടത്. അത്രയേറെ കാലിക പ്രശ്‌നങ്ങള്‍ ചര്‍ച്ച ചെയ്യുന്ന സിനിമയാണ് ഇത്.

എന്റെ അഭിപ്രായത്തില്‍ ചെന്നൈയില്‍ ചുവന്ന തെരുവുകള്‍ ആവശ്യമാണ്. സാഹചര്യങ്ങള്‍ കൊണ്ടോ അല്ലാതെയോ ചുവന്ന തെരുവുകള്‍ ഉണ്ടാകുന്നു. അതൊരു തൊഴിലായി ചിലര്‍ കൊണ്ടുനടക്കുന്നു.

അങ്ങനെയുള്ളപ്പോള്‍ ആരും വെറുതെ പോകുന്ന കുട്ടികളേയും സ്ത്രീകളേയും ഉപദ്രവിക്കില്ലല്ലോ. ആവശ്യങ്ങള്‍ക്ക് അങ്ങോട്ട് പോകാമല്ലോ. ഇത് തന്നെയാണ് സിനിമയുടെ ആശയവും. കുട്ടികള്‍ക്ക് നേരെയുള്ള പീഡനങ്ങള്‍ തടയൂ എന്നതാണ് സിനിമയുടെ ടാഗ് ലൈന്‍” -സാന്ദ്ര പറയുന്നു.

Dont Miss കൊച്ചുമകള്‍ പിറന്നതിന്റെ ആഘോഷത്തില്‍ കുടുംബം; വൈറലായി മമ്മൂട്ടിയുടേയും അമാലിന്റേയും ചിത്രങ്ങള്‍ 

ഈ സിനിമ ഒരിക്കലും എ പടമല്ലെന്നും അശ്ലീലമായ ഒരു സംഭാഷണമോ രംഗമോ സിനിമയിലില്ലെന്നും താരം പറയുന്നു.” ഞാന്‍ ഒരു ഭാര്യ കൂടിയാണ്. എന്റെ ഭര്‍ത്താവും ഒരു അഭിനേതാവാണ്.

അതുകൊണ്ട് തന്നെ പൊക്കിള്‍ കൊടിയും ശരീരഭാഗവും കാണിച്ച് എനിക്ക് അഭിനയിക്കാന്‍ കഴിയില്ല. ഇത് കുടുംബപ്രേക്ഷകര്‍ക്കായി ഉണ്ടാക്കിയ സിനിമയാണെന്നും കുടുംബത്തോടൊപ്പം തന്നെ അത് കാണണം”- സാന്ദ്ര പറയുന്നു.