മോനുണ്ടായപ്പോള്‍ അവന് മൂന്ന് ദിവസമേ ജീവിക്കുകയുള്ളുവെന്ന് ഡോക്ടര്‍ പറഞ്ഞു; പക്ഷെ സംഭവിച്ചത് മറ്റൊന്നാണ്: സബിത ജോര്‍ജ്
എന്റര്‍ടെയിന്‍മെന്റ് ഡെസ്‌ക്
Tuesday, 20th December 2022, 10:00 am
ഫ്‌ളവേഴ്‌സ് ചാനലിലെ കോമഡി സീരിയലാണ് ചക്കപ്പഴം. ചക്കപ്പഴത്തില്‍ അമ്മയായി അഭിനയിക്കുന്നത് സബിത ജോര്‍ജാണ്. മരിച്ചു പോയ തന്റെ മകനെക്കുറിച്ച് പറയുകയാണ് സബിതയിപ്പോള്‍.
ജനിച്ച് മൂന്ന് ദിവസത്തിനുള്ളില്‍ മകന്‍ മരിച്ച് പോകുമെന്നാണ് ഡോക്ടര്‍മാര്‍ ഉള്‍പ്പെടെ പലരും പറഞ്ഞതെന്നും എന്നാല്‍ 12 വര്‍ഷം ജീവിച്ചതിന് ശേഷമാണ് മകന്‍ മരണപ്പെട്ടതെന്നും സബിത പറഞ്ഞു. മകനാണ് തന്റെ പ്രചോദനമെന്നും താരം കൂട്ടിച്ചേര്‍ത്തു. ഇന്ത്യഗ്ലിറ്റ്‌സിന് നല്‍കിയ അഭിമുഖത്തിലാണ് സബിത മകനെക്കുറിച്ച് പറഞ്ഞത്.
”എന്റെ മകനെക്കുറിച്ചോര്‍ക്കുമ്പോള്‍ എനിക്ക് ആദ്യം പറയാനുള്ളത് എന്തൊരു പോരാളിയായിരുന്നു അവന് എന്നാണ്. അതാണ് ഞാന്‍ ചിന്തിക്കുന്നത്. മോനുണ്ടായപ്പോള്‍ അവന് മൂന്ന് ദിവസമെ ജീവിക്കുകയുള്ളുവെന്നായിരുന്നു ഡോക്ടര്‍മാര്‍ ഞങ്ങളോട് പറഞ്ഞത്. എന്നിട്ടും അവന് പിന്നെയും 12 വര്‍ഷം ജീവിച്ചു.
