തമിഴ്‌നാട്ടില്‍ സി.പി.ഐ.എം സ്ഥാനാര്‍ത്ഥികള്‍ക്കായി വോട്ട് അഭ്യര്‍ഥിച്ച് നടി രോഹിണി
ഡൂള്‍ന്യൂസ് ഡെസ്‌ക്
Monday, 29th March 2021, 3:12 pm
ചെന്നൈ: തമിഴ്നാട് നിയമസഭാ തെരഞ്ഞെടുപ്പില്‍ സി.പി.ഐ.എം സ്ഥാനാര്‍ത്ഥികള്‍ക്കായി വോട്ട് അഭ്യര്‍ഥിച്ച് നടിയും തിരക്കഥാകൃത്തുമായ രോഹിണി. കീഴ്‌വേളൂര്‍, ഗന്ധര്‍വകോട്ട മണ്ഡലങ്ങളിലാണ് രോഹിണി പ്രചാരണത്തിനെത്തിയത്.
കീഴ്‌വേളൂര്‍ നാഗൈ മാലിയും ഗന്ധര്‍വകോട്ടയില്‍ ചിന്നദുരൈയുമാണ് സി.പി.ഐ.എം സ്ഥാനാര്‍ത്ഥികള്‍.
2011ല്‍ കീഴ്‌വേളൂരില്‍ നിന്ന് നാഗൈ മാലി വിജയിച്ചിരുന്നു. ലോക്സഭാ തെരഞ്ഞെടുപ്പില്‍ മധുര മണ്ഡലത്തിലെ സി.പി.ഐ.എം സ്ഥാനാര്‍ത്ഥി സു വെങ്കിടേശന്റെ പ്രചാരണത്തിനും രോഹിണി വന്നിരുന്നു.
തമിഴ്നാട് പ്രോഗ്രസീവ് റൈറ്റേഴ്സ് കലൈഗ്നര്‍ അസോസിയേഷന്‍ സ്റ്റേറ്റ് ജനറല്‍ സെക്രട്ടറി കൂടിയാണ് രോഹിണി.
