നടിയായും അവതാരകയായും മലയാളികള്‍ക്ക് ഏറെ സുപരിചിതയായ താരമാണ് പേളി മാണി. സമൂഹമാധ്യമങ്ങളില്‍ സജീവമായ താരം ഭര്‍ത്താവും സീരിയല്‍ താരവുമായ ശ്രീനിഷ് അരവിന്ദ്, മകള്‍ നില എന്നിവര്‍ക്കൊപ്പമുള്ള ചിത്രങ്ങളും വീഡിയോകളും വിവിധ പ്ലാറ്റ്‌ഫോമുകളില്‍
പങ്കുവെക്കാറുമുണ്ട്.
ഇപ്പോള്‍ മകള്‍ക്കൊപ്പമുള്ള പുതിയ വീഡിയോ ഇന്‍സ്റ്റഗ്രാമില്‍ പങ്കുവെച്ചിരിക്കുകയാണ് പേളി. മകള്‍ക്ക് പാട്ട് പാടിക്കൊടുക്കുന്നതായ വീഡിയോ പകര്‍ത്തിയിരിക്കുന്നത് ഭര്‍ത്താവ് ശ്രീനിഷ് തന്നെയാണ്.
”ഒരു ഗായികയായ ഞാന്‍, എന്റെ അറിവ് മുഴുവന്‍ കുഞ്ഞിലേക്ക് പകര്‍ന്നു കൊടുക്കുന്ന ഒരു ത്രിതങ്ക പുളകിത രംഗം ഇതാ നിങ്ങളുമായി പങ്കുവെയ്ക്കുന്നു,” എന്നാണ് ഫോട്ടോയുടെ കൂടെ പേളി ഇന്‍സ്റ്റഗ്രാമില്‍ കുറിച്ചിരിക്കുന്നത്.
ചില സംഗീതസ്വരങ്ങള്‍ മകള്‍ക്ക് പാടിക്കൊടുക്കാന്‍ ശ്രമിക്കുന്ന പേളിയേയും അതുകേട്ടിരിക്കുന്ന മകളെയും വീഡിയോയില്‍ കാണാം. നില കാലുകള്‍കൊണ്ട് പേളിയുടെ മുഖത്ത് ചവിട്ടിക്കളിക്കുന്നതും വീഡിയോയിലുണ്ട്. ചവിട്ടുകൊണ്ട് മതിയായ പേളിയുടെ ഭാവത്തിനാണ് പാട്ടിനേക്കാള്‍ ആരാധകര്‍ കയ്യടിക്കുന്നത്.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: Actress Pearle Maaney shares funny video with daughter Nila