സ്ത്രീകള്‍ നില്‍ക്കുകയാണ്, വേദിയില്‍ ആണുങ്ങള്‍ ഇരിക്കുന്നു,അതില്‍ ഒരു നാണവുമില്ലാത്ത ഒരു കൂട്ടം സംഘടനകള്‍ ഇന്നുണ്ട്; പാര്‍വതി
എന്റര്‍ടെയിന്‍മെന്റ് ഡെസ്‌ക്
Tuesday, 9th February 2021, 3:14 pm
കൊച്ചി: താര സംഘടനയായ അമ്മയുടെ പുതിയ ആസ്ഥാന മന്ദിരത്തിന്റെ ഉദ്ഘാടനവുമായി ബന്ധപ്പെട്ട് ഉണ്ടായ വിവാദങ്ങള്‍ ഉയരുന്നതിനിടെ സംഘടനയ്ക്ക് എതിരെ പരോക്ഷ വിമര്‍ശനവുമായി നടി പാര്‍വതി.
മീഡിയവണിന് നല്‍കിയ അഭിമുഖത്തിലായിരുന്നു അമ്മ വേദിയിലെ സ്ത്രീകളുടെ അസാന്നിധ്യത്തെ പാര്‍വതി വിമര്‍ശിച്ചത്. ആണുങ്ങള്‍ മാത്രമിരിക്കുന്ന വേദികളാണ് ഇപ്പോഴും കാണുന്നത്. ഇതിന് സമീപം സ്ത്രീകള്‍ നില്‍ക്കുകയാണ്. വേദിയില്‍ ആണുങ്ങള്‍ ഇരിക്കുന്നു. അതില്‍ ഒരു നാണവുമില്ലാത്ത ഒരു കൂട്ടം സംഘടനകള്‍ ഇന്നുണ്ട്. ഇക്കഴിഞ്ഞ ദിവസവും കൂടി ഇത് നമ്മള്‍ കണ്ടിട്ടുള്ളതാണെന്നാണ് പാര്‍വതി പറഞ്ഞത്.
വാര്‍ത്തമാനം എന്ന പാര്‍വതി അഭിനയിക്കുന്ന പുതിയ സിനിമയുടെ റിലീസിനോട് അനുബന്ധിച്ചായിരുന്നു പാര്‍വതിയുടെ പരാമര്‍ശം.
