അഞ്ചാം പാതിര കണ്ട് ഒരാഴ്ച ഉറങ്ങിയില്ല, പേടിച്ച് ഇവരെ വീട്ടില്‍ വരുത്തിയാണ് ഉറങ്ങുക: നിത്യ ദാസ്
എന്റര്‍ടെയിന്‍മെന്റ് ഡെസ്‌ക്
Sunday, 16th October 2022, 3:24 pm
മലയാളികള്‍ക്ക് ഏറെ പ്രിയങ്കരിയായ നടിയാണ് നിത്യ ദാസ്. നീണ്ട ഇടവേളക്ക് ശേഷം മലയാള സിനിമയിലേക്ക് എത്തുകയാണ് നിത്യ. അനില്‍ കുമ്പഴയുടെ പള്ളിമണി എന്ന ഹൊറര്‍ സൈക്കോളജിക്കല്‍ ത്രില്ലറിലൂടെയാണ് നടിയുടെ തിരിച്ചു വരവ്.
പൊതുവില്‍ തനിക്ക് ഹൊറര്‍ ഫിലിംസ് പേടിയാണെന്നും അഭിനയിക്കുമെങ്കിലും അവ കാണാറില്ലെന്നും പറയുകയാണ് നിത്യ. കുഞ്ചാക്കോ ബോബന് നായകനായ ത്രില്ലര്‍ സിനിമ അഞ്ചാം പാതിര കണ്ട് താനും മകളും ഒരാഴ്ച ഉറങ്ങിയിട്ടില്ലെന്ന് ക്ലബ് എഫ്. എമ്മിന് നല്‍കിയ അഭിമുഖത്തില്‍ നിത്യ പറഞ്ഞു.
”എനിക്ക് ത്രില്ലര്‍ മൂവീസ് ഒക്കെ പൊതുവേ പേടിയാണ്. ഞാനൊരു തമിഴ് സീരിയലില്‍ അഭിനയിച്ചിരുന്നു, ഭൈരവി എന്നായിരുന്നു പേര്. പ്രേതത്തിന്റെ സീരിയല്‍ ആണ്. രാത്രി പത്തുമണിക്കാണ് ആ സീരിയല്‍. ഞാന്‍ അഭിനയിക്കും പക്ഷേ ഞാനത് കാണില്ലായിരുന്നു. കാരണം എനിക്ക് ഭയങ്കര പേടിയായിരുന്നു.
