ഒരുപാട് നായികമാര്‍ ഉപേക്ഷിച്ച റോള്‍ ആയിരുന്നു എന്റേത്, നായികയെ കിട്ടാതെ വന്നപ്പോഴാണ് എന്നെ വിളിച്ചത്: നിഷ സാരംഗ്
എന്റര്‍ടെയിന്‍മെന്റ് ഡെസ്‌ക്
Saturday, 1st April 2023, 12:34 pm
ഒരുപാട് നായികമാര്‍ ഉപേക്ഷിച്ച റോളാണ് ഉപ്പും മുളകിലെ അമ്മ റോളെന്ന് നടി നിഷ സാരംഗ്. തനിക്ക് മുന്നേ നിരവധി താരങ്ങളെ ഉപ്പും മുളകിലേക്ക് വിളിച്ചിരുന്നുവെന്നും പേയ്‌മെന്റിന്റെ പേരും പറഞ്ഞ് പലരും പിന്മാറുകയായിരുന്നുവെന്നും നിഷ പറഞ്ഞു.
വേഷം കിട്ടാനായി താന്‍ പേയ്‌മെന്റ് വളരെ കുറച്ചാണ് പറഞ്ഞതെന്നും അതുകൊണ്ടാണ് അവര്‍ തെരഞ്ഞെടുത്തതെന്നും നിഷ പറഞ്ഞു. സില്ലി മോന്‍ങ്ക്‌സ് മോളിവുഡിന് നല്‍കിയ അഭിമുഖത്തിലാണ് നിഷ ഇക്കാര്യങ്ങള്‍ പറഞ്ഞത്.
”എന്നെ സംബന്ധിച്ച് ഇന്‍ഡസ്ട്രിയില്‍ ഒരു ഗോഡ്ഫാദറില്ല. കൈപിടിച്ച് നമ്മളെ മുന്നോട്ട് കൊണ്ടുപോകാന്‍ ഒരു ഗോഡ്ഫാദര്‍ ഉണ്ടായിരുന്നില്ല. ഒരാളെ കിട്ടാതെ വരുമ്പോഴായിരിക്കും പലപ്പോഴും എന്നെ വിളിക്കുക.
