നിമിഷ സജയന്‍ ബോളിവുഡിലേക്ക്; ചിത്രീകരണം സെപ്തംബറില്‍
എന്റര്‍ടെയിന്‍മെന്റ് ഡെസ്‌ക്
Friday, 9th July 2021, 10:21 pm
മുംബൈ: നടി നിമിഷ സജയന്‍ ബോളിവുഡിലേക്ക്. ദേശീയ പുരസ്‌കാര ജേതാവായ ഒനിര്‍ സംവിധാനം ചെയ്യുന്ന ‘വി ആര്‍’ എന്ന ചിത്രത്തിലൂടെയാണ് ബോളിവുഡിലെത്തുന്നത്.
ചിത്രം സെപ്തംബറില്‍ ചിത്രീകരണം തുടങ്ങാനാണ്‌ പദ്ധതിയിട്ടിരിക്കുന്നത്. ഒനിര്‍ സംവിധാനം ചെയ്ത ഐ ആം ലൈക് ഐ ആം എന്ന ചിത്രത്തിന്റെ തുടര്‍ച്ചയായിട്ടാണ് ‘വി ആര്‍ ഒരുങ്ങുന്നത്.
ആന്തോളജിയായിട്ടാണ് ചിത്രം ഒരുങ്ങുന്നത്. നാല് കഥകളായിരിക്കും ചിത്രത്തില്‍ ഉണ്ടാവുക. നേരത്തെ നിമിഷ അഭിനയിച്ച ഗ്രേറ്റ് ഇന്ത്യന്‍ കിച്ചണ്‍ എന്ന ചിത്രം ദേശീയ തലത്തില്‍ ശ്രദ്ധേയമായിരുന്നു.
ഫഹദ് ഫാസില്‍ അഭിനയിച്ച മാലിക്കാണ് നിമിഷയുടെതായി റിലീസ് ചെയ്യാന്‍ ഒരുങ്ങുന്ന പുതിയ ചിത്രം. ആമസോണ്‍ പ്രൈമില്‍ ജൂലൈ 15നാണ് ചിത്രം റിലീസ് ചെയ്യുന്നത്.
