പരിചയമുണ്ട്, സച്ചിന്‍ സാവന്തുമായി വഴിവിട്ട ബന്ധങ്ങളില്ല; വിശദീകരണവുമായി നവ്യയുടെ കുടുംബം
ഡൂള്‍ന്യൂസ് ഡെസ്‌ക്
Wednesday, 30th August 2023, 10:28 pm
തൃശൂര്‍: എന്‍ഫോഴ്‌സ്‌മെന്റ് ഡയറക്ടറേറ്റ് വിവരം തേടിയെന്ന വാര്‍ത്തയില്‍ വിശദീകരണവുമായി നടി നവ്യ നായരുടെ കുടുംബം. ഐ.ആര്‍.എസ് ഉദ്യോഗസ്ഥന്‍ സച്ചിന്‍ സാവന്തിന്റെ അനധികൃത സ്വത്ത് സമ്പാദന കേസുമായി ബന്ധമില്ലെന്ന് കുടുംബം അറിയിച്ചു.
സച്ചിന്‍ സാവന്തുമായി ഒരേ റസിഡെന്‍ഷ്യല്‍ സൊസൈറ്റിയിലെ താമസക്കാര്‍ എന്നത് മാത്രമാണ് പരിചയം. ഗുരുവായൂര്‍ സന്ദര്‍ശനത്തിനായി സാവന്തിന് പലവട്ടം സൗകര്യം ചെയ്തു കൊടുത്തിട്ടുണ്ട്. നവ്യയുടെ മകന്റെ പിറന്നാളിന് സമ്മാനം നല്‍കിയതല്ലാതെ നവ്യക്ക് പ്രതി ഉപഹാരങ്ങള്‍ ഒന്നും കൊടുത്തിട്ടില്ല. ഇ.ഡിയേയും ഇക്കാര്യങ്ങളെല്ലാം അറിയിച്ചിട്ടുണ്ടെന്നും കുടുംബം പറഞ്ഞു.
