മലയാളി പ്രേക്ഷകരുടെ പ്രിയങ്കരിയായ നടിയാണ് മിയ ജോര്‍ജ്. ഗോഡ്ഫാദര്‍മാരില്ലാതെ സിനിമയിലെത്തുകയും ശേഷം സൂപ്പര്‍ താരങ്ങളുടേതടക്കം നായികാ വേഷങ്ങള്‍ ചെയ്ത് സിനിമാ ലോകത്ത് സ്വയം അടയാളപ്പെടുത്തിയ നടി കൂടിയാണ് മിയ.
താരത്തിന്റെ ഇന്‍സ്റ്റഗ്രാം പോസ്റ്റാണ് ഇപ്പോള്‍ സമൂഹമാധ്യമങ്ങളില്‍ ചര്‍ച്ചയാവുന്നത്. മകന്‍ ലൂക്കയുടെ മാമോദീസ ചിത്രങ്ങളാണ് മിയ പങ്കുവെച്ചിരിക്കുന്നത്.
‘ബാപ്റ്റിസം സീരീസ് സ്റ്റാര്‍ട്ട്‌സ് ഹിയര്‍’ എന്ന ക്യാപ്ഷനോടുകൂടിയാണ് മിയ ചിത്രങ്ങള്‍ പങ്കുവെച്ചത്. ചിത്രത്തിനു താഴെ ആരാധകരും കുഞ്ഞു ലൂക്കയ്ക്ക് ആശംസകള്‍ നേര്‍ന്നുകൊണ്ട് എത്തുന്നുണ്ട്.
View this post on Instagram
കഴിഞ്ഞ വര്‍ഷം സെപ്റ്റംബര്‍ 12നായിരുന്നു മിയയും ബിസിനസ്സുകാരനായ അശ്വിനും തമ്മിലുള്ള വിവാഹം നടന്നത്. വിവാഹ ശേഷം തുടര്‍ന്നഭിനയിക്കുന്നതില്‍ അശ്വിന് എതിര്‍പ്പുകളില്ലെന്നും തത്കാലം സിനിമയില്‍ നിന്നും ഒരു ബ്രേക്ക് എടുക്കുകയാണ് എന്നാണ് താരം അറിയിച്ചിരുന്നത്.
