ഇത് ശരിയാവില്ല, കെട്ടി രണ്ടാമത്തെ ദിവസം നിങ്ങള്‍ തെറ്റിപ്പിരിയുമെന്ന് മമ്മൂക്ക പറഞ്ഞു; ഓര്‍മ്മകള്‍ പങ്കുവെച്ച് മേനക
എന്റര്‍ടെയിന്‍മെന്റ് ഡെസ്‌ക്
Tuesday, 20th July 2021, 3:12 pm
കൊച്ചി: മലയാളത്തില്‍ മികച്ച ഒരുപിടി കഥാപാത്രങ്ങള്‍ പ്രേക്ഷകര്‍ക്ക് സമ്മാനിച്ച നടിയാണ് മേനക. കുറഞ്ഞകാലയളവില്‍ സൂപ്പര്‍ താരങ്ങളോടൊപ്പം അഭിനയിക്കാനും മേനകയ്ക്ക് സാധിച്ചു. നിര്‍മാതാവ് സുരേഷ് കുമാറിനെയാണ് മേനക വിവാഹം ചെയ്തത്.
തങ്ങളുടെ പ്രണയമറിഞ്ഞപ്പോള്‍ മമ്മൂക്ക പറഞ്ഞ മുന്നറിയിപ്പിനെപ്പറ്റി തുറന്നുപറയുകയാണ് മേനക. കുറച്ച് വര്‍ഷങ്ങള്‍ക്ക് മുമ്പ് കൈരളി ടിവിയ്ക്ക് നല്‍കിയ അഭിമുഖത്തിലായിരുന്നു മേനകയുടെ പരാമര്‍ശം.
‘ഞങ്ങളുടെ കല്യാണ സമയത്ത് എല്ലാവരും പറയുമായിരുന്നു മേനക സൂക്ഷിക്കണം മൂപ്പര്‍ക്ക് പിള്ളേരുകളി കൂടുതലാണ് എന്നൊക്കെ. സുരേഷേട്ടന്റെ സുഹൃത്തുക്കള്‍ വരെ ഇതാണ് പറഞ്ഞിരുന്നത്.
അതൊക്കെ ശരിയാകും എന്നായിരുന്നു ഞാന്‍ പറഞ്ഞിരുന്നത്. ഒന്നും മിണ്ടാത്ത ഭാര്യയുടെ ക്ലൈമാക്‌സ് സീന്‍ എടുത്തുകൊണ്ടിരിക്കുകയായിരുന്നു. അപ്പോള്‍ സെറ്റില്‍ വെച്ച് എനിക്ക് ഫോണ്‍ വന്നു.
