യുവതാരങ്ങളില്‍ ഈ രണ്ട് നടന്മാര്‍ക്കൊപ്പം അഭിനയിക്കാന്‍ ആഗ്രഹമുണ്ട്; മനസുതുറന്ന് മാതു
എന്റര്‍ടെയിന്‍മെന്റ് ഡെസ്‌ക്
Sunday, 29th August 2021, 6:09 pm
തൊണ്ണൂറുകളിലെ മലയാളസിനിമയില്‍ ഏറെ ശ്രദ്ധിക്കപ്പെട്ട നടിയാണ് മാതു. മമ്മൂട്ടിയോടൊപ്പം കുട്ടേട്ടന്‍ എന്ന സിനിമയിലൂടെയാണ് മാതു മലയാള സിനിമയില്‍ അരങ്ങേറ്റം കുറിയ്ക്കുന്നത്.
തുടര്‍ന്ന് അമരം, ആയുഷ്‌കാലം, സദയം, മാട്ടുപെട്ടിമച്ചാന്‍, തുടര്‍കഥ, സന്ദേശം, സദയം എന്നിങ്ങനെ നിരവധി മലയാള സിനിമകളില്‍ ശ്രദ്ധേയമായ കഥാപാത്രങ്ങളെ മാതു അവതരിപ്പിച്ചു.
തമിഴ്, മലയാളം, തെലുങ്ക്, കന്നട ഭാഷകളിലെല്ലാം മാതു അക്കാലത്ത് അഭിനയിച്ചിരുന്നു. നീണ്ട നാളത്തെ ഇടവേളക്ക് ശേഷം 2019ല്‍ സിനിമയിലേക്ക് മടങ്ങിയെത്തിയ മാതു തന്റെ പുതിയ സിനിമാ സ്വപ്‌നങ്ങളെ കുറിച്ചും അനുഭവങ്ങളെ കുറിച്ചും സംസാരിക്കുകയാണ്.
മലയാള സിനിമയിലെ യുവ താരങ്ങളായ ദുല്‍ഖര്‍, നിവിന്‍ പോളി എന്നിവരോടൊപ്പം അഭിനയിക്കാന്‍ ആഗ്രഹമുണ്ടെന്നാണ് മാതു പറയുന്നത്. ബിഹൈന്‍ഡ് വുഡ്‌സിന് നല്‍കിയ അഭിമുഖത്തില്‍ സംസാരിക്കുകയായിരുന്നു നടി.
