മലയാളികള്‍ക്ക് പ്രിയപ്പെട്ട താരമാണ് മഞ്ജു പിളള. ഒട്ടനവധി കഥാപാത്രങ്ങളിലൂടെ പ്രേക്ഷകരുടെ ഹൃദയത്തില്‍ ഒരു സ്ഥാനമുറപ്പിക്കാന്‍ അവര്‍ക്ക് കഴിഞ്ഞിട്ടുണ്ട്.
മഴവില്‍ മനോരമയില്‍ സംപ്രേഷണം ചെയ്യുന്ന തട്ടീം മുട്ടീം പരമ്പരയിലെ മോഹനവല്ലിയായി കുടുംബ സദസുകളെ ആവോളം ചിരിപ്പിച്ച താരം ഇപ്പോള്‍ ഹോമിലെ കുട്ടിയമ്മയായും പ്രേക്ഷകരുടെ മനസിലെത്തി.
റോജിന്‍ തോമസ് സംവിധാനം ചെയ്ത ഹോം എന്ന ചിത്രത്തില്‍ ഇന്ദ്രന്‍സിന്റെ ഭാര്യയായിട്ടാണ് മഞ്ജു അഭിനയിച്ചത്. പ്രേക്ഷക പ്രീതി ലഭിച്ച കുട്ടിയമ്മയ്ക്ക് ആരാധകരും കൂടിയിട്ടുണ്ട്.
തന്റെ ഏറ്റവും പ്രിയപ്പെട്ട നടനാണ് ഇന്ദ്രന്‍സ് എന്നാണ് മഞ്ജു പിളള പറയുന്നത്. അഭിനയം കൊണ്ടും വ്യക്തിത്വം കൊണ്ടും തന്നെ എന്നും അതിശയിപ്പിച്ചിട്ടുളള വ്യക്തിയാണ് അദ്ദേഹമെന്നും താരം പറയുന്നു.
ഇന്ദ്രന്‍സിനോടൊപ്പം അഭിനയിച്ചതു കൊണ്ടാണ് തനിക്ക് കുട്ടിയമ്മയായി ജീവിക്കാന്‍ കഴിഞ്ഞതെന്നാണ് മഞ്ജു പിളളയുടെ അഭിപ്രായം. തനിക്ക് അത്രയും കംഫര്‍ട്ടായ അന്തരീക്ഷമായിരുന്നു ഇന്ദ്രന്‍സിനോടൊപ്പമെന്നും മഞ്ജു പറയുന്നു. ഏഷ്യാനെറ്റ് ന്യൂസിന്റെ നമസ്തേ കേരളം പരിപാടിയിലാണ് താരം ഇന്ദ്രന്‍സിനേപ്പറ്റി സംസാരിച്ചത്.
