എന്റെ ഈ അവസ്ഥ കണ്ടിട്ട് അമ്മക്ക് എന്താണ് ചെയ്യേണ്ടതെന്ന് അറിയില്ലായിരുന്നു, ഞാന്‍ കരയുമ്പോള്‍ സൈഡില്‍ ഇരുന്ന് അമ്മയും കരഞ്ഞു: ലിയോണ ലിഷോയ്
എന്റര്‍ടെയിന്‍മെന്റ് ഡെസ്‌ക്
Wednesday, 25th January 2023, 4:04 pm
ഒരു സമയത്ത് താന്‍ നേരിട്ട ബുദ്ധിമുട്ടുകളെക്കുറിച്ച് പറയുകയാണ് ലിയോണ ലിഷോയ്. ഹോര്‍മോണ്‍ ടാബ്‌ലറ്റ്‌സ് കഴിച്ചുകൊണ്ടിരുന്നപ്പോള്‍ തനിക്ക് ഒരുപാട് പ്രശ്‌നങ്ങളുണ്ടായിരുന്നുവെന്നും ഫ്രണ്ട്‌സും ഫാമിലിയുമാണ് സഹായിച്ചതെന്നും ലിയോണ പറഞ്ഞു.
വെറുതെ ഇരിക്കുമ്പോള്‍ കരച്ചില്‍ വരുമായിരുന്നുവെന്നും കരയുന്നതിന്റെ കാരണം കണ്ടെത്താന്‍ കഴിഞ്ഞില്ലെന്നും താരം പറഞ്ഞു. വണ്ടര്‍വാള്‍ മീഡിയക്ക് നല്‍കിയ അഭിമുഖത്തിലാണ് ലിയോണ ഇക്കാര്യങ്ങള്‍ പറഞ്ഞത്.
”ഹോര്‍മോണ്‍ ടാബ്‌ലറ്റ്‌സ് കഴിച്ചുകൊണ്ടിരുന്നപ്പോള്‍ എനിക്ക് ഒരുപാട് പ്രശ്‌നങ്ങളുണ്ടായിരുന്നു. ഫ്രണ്ട്‌സും ഫാമിലിയും അതിജീവിക്കാന്‍ എന്നെ ഒരുപാട് സഹായിച്ചിട്ടുണ്ട്. പക്ഷെ ഒരു ലിമിറ്റ് കഴിഞ്ഞപ്പോള്‍ എന്താണ് ചെയ്യേണ്ടതെന്ന് അവര്‍ക്കും അറിയില്ലായിരുന്നു.
