മൊട്ടയടിച്ചപ്പോള്‍ എല്ലാവരും 'ഷൂട്ടിംഗിന് ഇനി എന്ത് ചെയ്യും' എന്ന് ചോദിച്ചു; പക്ഷെ, മറിച്ചാണ് സംഭവിച്ചത്: അനുഭവം പറഞ്ഞ് ലെന
എന്റര്‍ടെയിന്‍മെന്റ് ഡെസ്‌ക്
Saturday, 3rd July 2021, 6:15 pm
വ്യത്യസ്തവും ശക്തവുമായ വേഷങ്ങള്‍ക്കൊണ്ട് മലയാള സിനിമയില്‍ ശ്രദ്ധേയമായ സ്ഥാനം നേടിയെടുത്ത നടിയാണ് ലെന. ഇടവേളക്ക് ശേഷം തിരിച്ചെത്തിയപ്പോഴും ഒരുപിടി നല്ല വേഷങ്ങള്‍ ലെന മലയാള സിനിമയ്ക്ക് സമ്മാനിച്ചിരുന്നു.
അടുത്ത കാലത്ത് താന്‍ തല മൊട്ടയടിച്ചതിന് ശേഷം ആളുകളില്‍ നിന്നുണ്ടായ പ്രതികരണവും പിന്നീട് തനിക്കുണ്ടായ അനുഭവങ്ങളും തുറന്നുപറയുകയാണ് നടി. ഫേസ്ബുക്കില്‍ പങ്കുവെച്ച കുറിപ്പിലൂടെയാണ് നടി അനുഭവം പറഞ്ഞത്.
അതിരന്‍ എന്ന സിനിമയുടെ ഷൂട്ടിന്റെ സമയത്തെടുത്ത രണ്ട് ചിത്രങ്ങളും ലെന പങ്കുവെച്ചിരുന്നു. കഥാപാത്രത്തിന് വേണ്ടി വിഗ് ധരിച്ച ചിത്രവും വിഗില്ലാതെ നില്‍ക്കുന്ന ചിത്രവുമായിരുന്നു ഇത്.
‘ഈ രണ്ട് ചിത്രങ്ങളും ഒരു ദിവസം എടുത്തതാണ്. അതിരനിലെ രേണുക എന്ന കഥാപാത്രത്തിനു വേണ്ടിയുള്ള ലുക്ക് ആണ് ആദ്യത്തേത്. രണ്ടാമത്തെ ചിത്രം ഷൂട്ടിന്റെ പാക്ക്അപ്പിന് ശേഷം എടുത്തതും.
