ഇത് ഒരു ചെറിയ പനി മാത്രം, അധികം പ്രചാരണം കൊടുത്ത് ആളുകളെ പേടിപ്പിക്കുന്നു; കൊവിഡ് പോസിറ്റീവായതിന് പിന്നാലെ നടി കങ്കണ
ഡൂള്‍ന്യൂസ് ഡെസ്‌ക്
Saturday, 8th May 2021, 11:48 am
മുംബൈ: നടി കങ്കണ റണാവത്തിന് കൊവിഡ് സ്ഥിരീകരിച്ചു. കങ്കണ തന്നെയാണ് താന്‍ കൊവിഡ് പോസിറ്റീവായ വിവരം സോഷ്യല്‍ മീഡിയയിലൂടെ അറിയിച്ചത്.
ഏതാനും ദിവസങ്ങളായി തനിക്ക് ക്ഷീണം അനുഭവിച്ചിരുന്നു, ഹിമാചലിലേക്ക് പോകാനായി നില്‍ക്കുകയായിരുന്നെന്നും അവര്‍ പറഞ്ഞു. ഇതിന്റെ ഭാഗമായി കഴിഞ്ഞ ദിവസം കൊവിഡ് ടെസ്റ്റ് ചെയ്തു. എന്നാല്‍ കൊവിഡ് പോസിറ്റീവായെന്നുമാണ് നടി ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നത്.
ധ്യാനിച്ചിരിക്കുന്ന ചിത്രത്തോടൊപ്പമാണ് താന്‍ കൊവിഡ് പോസിറ്റീവാണെന്ന് കങ്കണ ഫേസ്ബുക്കില്‍ എഴുതിയത്. താന്‍ സ്വയം ക്വാറന്റൈനില്‍ ആണ്. ഈ വൈറസ് എന്റെ ശരീരത്തില്‍ ഒരു പാര്‍ട്ടി നടത്തുന്നുണ്ടെന്ന് അറിയില്ലായിരുന്നു. ഇതിനെ നശിപ്പിക്കാന്‍ കഴിയുമെന്നറിയമെന്നും കങ്കണ പറഞ്ഞു.
