വാര്‍ത്തകളിലെ ക്യാപ്ഷനുകള്‍ വേദനയുണ്ടാക്കിയിട്ടുണ്ട്, ചിലത് ഇറിറ്റേഷനും: അപര്‍ണ ബാലമുരളി
എന്റര്‍ടെയിന്‍മെന്റ് ഡെസ്‌ക്
Tuesday, 27th September 2022, 10:20 pm
മലയാളികള്‍ക്ക് ഏറെ പ്രിയങ്കരിയായ നടിയാണ് അപര്‍ണ ബാലമുരളി. ചില ഓണ്‍ലൈന്‍ മീഡിയകളിലെ വാര്‍ത്തകളുടെ തലക്കെട്ടുകള്‍ ബുദ്ധിമുട്ടുണ്ടാക്കിയതിനെക്കുറിച്ച് ഫിലിമിബീറ്റിന് നല്‍കിയ അഭിമുഖത്തില്‍ തുറന്ന് പറയുകയാണ് അപര്‍ണ.
”ഓണ്‍ലൈന്‍ മാധ്യമങ്ങളില്‍ നിന്നും എനിക്ക് മോശം അനുഭവം ഉണ്ടായിട്ടില്ല. പക്ഷേ ന്യൂസ് വരുമ്പോഴുള്ള ചില ക്യാപ്ഷനുകള്‍ എന്നില്‍ ഭയങ്കര വേദനയുണ്ടാക്കിയിട്ടുണ്ട്. എന്തിനാണ് ആളുകളുടെ ശ്രദ്ധപിടിച്ച് പറ്റുന്ന രീതിയില്‍ ടൈറ്റില്‍ ഇടുന്നതെന്ന് ചിന്തിക്കാറുണ്ട്.
ചാനലുകള്‍ നല്ല ടൈറ്റിലില്‍ വാര്‍ത്ത കൊടുക്കുകയാണെങ്കില്‍ തീര്‍ച്ചയായും നമ്മള്‍ അത് പോസ്റ്റ് ചെയ്യുന്നതായിരിക്കും. അതല്ലാതെ വെറും അറ്റന്‍ഷന്‍ പിടിച്ച് വാങ്ങുന്ന രീതിയിലുള്ള ടൈറ്റില്‍ മാത്രമാണ് ഇവര്‍ ഇടുന്നത്.
എല്ലാം സോഷ്യല്‍ മീഡിയയില്‍ ആയത് കൊണ്ട് ഓണ്‍ലൈന്‍ മീഡിയ അത്യാവശ്യമാണ്. സിനിമകള്‍ ആളുകള്‍ ശ്രദ്ധിക്കാന്‍ ഓണ്‍ലൈന്‍ മീഡിയ കുറേ സഹായിക്കുന്നുണ്ട്. കുറച്ച് കൂടെ നല്ല കണ്ടന്റുകള്‍ കൊണ്ടുവരാന്‍ നോക്കണം. ക്വാളിറ്റി കണ്ടന്റുകള്‍ കൊണ്ട് വരണം. പിന്നെ കുറച്ചൊക്കെ റിസര്‍ച്ച് ചെയ്ത് ചോദ്യങ്ങള്‍ ഉണ്ടാക്കണം,” അപര്‍ണ പറഞ്ഞു.