എന്റെ അച്ഛനോടും അമ്മയോടും പോലും ഞാന്‍ ആ കാര്യം പറഞ്ഞിരുന്നില്ല; എനിക്കന്ന് 19 വയസായിരുന്നു: അനുഷ്‌ക ശര്‍മ
എന്റര്‍ടെയിന്‍മെന്റ് ഡെസ്‌ക്
Thursday, 16th February 2023, 12:30 pm
ബോളിവുഡ് താരം അനുഷ്‌ക ശര്‍മയുടെ ആദ്യത്തെ സിനിമയാണ് ഷാരൂഖ് ഖാന്‍ നായകനായ രബ്‌നെ ബനാദി ജോഡി. വര്‍ഷങ്ങള്‍ക്ക് ശേഷമുള്ള യഷ് രാജ് ഫിലിംസിന്റെ തിരിച്ചുവരവ് അടയാളപ്പെടുത്തിയ സിനിമ കൂടിയായിരുന്നു അത്. ആ സിനിമയെ കുറിച്ചുള്ള ഓര്‍മകള്‍ പങ്കുവെക്കുകയാണ് അനുഷ്‌കയിപ്പോള്‍.
തന്റെ പത്തൊമ്പതാമത്തെ വയസിലാണ് ആ സിനിമയില്‍ അഭിനയിക്കാന്‍ വരുന്നതെന്നും നായിക താനാണെന്ന വിവരം ആരോടും പറയരുതെന്ന് സംവിധായകന്‍ ആദിത്യ ചോപ്ര പറഞ്ഞിരുന്നുവെന്നും അനുഷ്‌ക പറഞ്ഞു. തന്റെ അച്ഛനോടും അമ്മയോടും പോലും ഈ വിവരങ്ങള്‍ താന്‍ പറഞ്ഞിരുന്നില്ലെന്നും താരം പറഞ്ഞു.
