കഥ പറഞ്ഞ സമയത്ത് വിഷ്ണുവേട്ടന്‍ മുന്നോട്ടുവെച്ചത് രണ്ട് ഡിമാന്‍ഡുകളായിരുന്നു; കഥാപാത്രത്തില്‍ കോണ്‍ഫിഡന്റായതുകൊണ്ട് റിസ്‌കെടുത്തു: അനശ്വര രാജന്‍
എന്റര്‍ടെയിന്‍മെന്റ് ഡെസ്‌ക്
Friday, 19th August 2022, 1:09 pm
മലയാള സിനിമയിലെ യുവനടിമാരില്‍ ശ്രദ്ധേയയായ അനശ്വര രാജന്‍ കേന്ദ്ര കഥാപാത്രമായെത്തുന്ന സിനിമയാണ് മൈക്ക്. ഓഗസ്റ്റ് 19ന് തിയേറ്ററുകളില്‍ റിലീസ് ചെയ്യുന്ന ചിത്രം സംവിധാനം ചെയ്യുന്നത് വിഷ്ണു ശിവപ്രസാദാണ്.
ബോളിവുഡ് താരം ജോണ്‍ എബ്രഹാമാണ് ചിത്രം നിര്‍മിക്കുന്നത് എന്ന പ്രത്യേകതയുമുണ്ട്.
ചിത്രത്തില്‍ കേന്ദ്ര കഥാപാത്രമായ സാറയെയാണ് അനശ്വര അവതരിപ്പിക്കുന്നത്. സാറ എന്ന കഥാാപാത്രമാകാന്‍ എടുത്ത് എഫേര്‍ട്ടിനെ കുറിച്ചും സംവിധായകന്‍ മുന്നോട്ടുവെച്ച ഡിമാന്‍ഡുകളെക്കുറിച്ചും മൈക്കിന്റെ പ്രൊമോഷന്റെ ഭാഗമായി നടത്തിയ പത്രസമ്മേളനത്തില്‍ സംസാരിക്കുകയാണ് അനശ്വര.
”ഞാന്‍ ഇതുവരെ ചെയ്ത കഥാപാത്രങ്ങളില്‍ നിന്നും വളരെ വ്യത്യസ്തമാണ് സാറ. അതെനിക്ക് ചാലഞ്ചിങ് തന്നെയായിരുന്നു. ഇത്രയും നാള്‍ ആളുകള്‍ എന്നെ കണ്ട ഇമേജ് പൊളിച്ചെഴുതുക എന്നത് ചാലഞ്ച് തന്നെയാണ്.
