സ്റ്റാര്‍ കിഡ്‌സിന് കാസ്റ്റിങ് കൗച്ച് നേരിടേണ്ടി വരില്ല, ഷൂട്ടിനിടയില്‍ ജനക്കൂട്ടത്തിനിടയില്‍ നിന്നും അശ്ലീല കമന്റുകള്‍ കേട്ടിട്ടുണ്ട്: ഐശ്വര്യ ഭാസ്‌കര്‍
എന്റര്‍ടെയിന്‍മെന്റ് ഡെസ്‌ക്
Thursday, 16th June 2022, 8:58 pm
താരങ്ങളുടെ മക്കള്‍ക്ക് ഒരിക്കലും കാസ്റ്റിങ് കൗച്ചിലൂടെ കടന്നുപോവേണ്ട അവസ്ഥ ഉണ്ടായിട്ടില്ലെന്ന് നടി ഐശ്വര്യ ഭാസ്‌കര്‍. 90കളില്‍ സിനിമയില്‍ അഭിനയിക്കുമ്പോള്‍ ജനക്കൂട്ടത്തിനിടിയില്‍ നിന്നും അശ്ലീല കമന്റുകള്‍ കേള്‍ക്കേണ്ടി വന്ന അനുഭവവും ഐശ്വര്യ ഗലാട്ട തമിഴിന് നല്‍കിയ അഭിമുഖത്തില്‍ പറഞ്ഞു.
‘രാമരാജന്‍ സാറിന്റെ ഒരു സിനിമ. പാവാടയും ബ്ലൗസുമൊക്കെ ഇട്ട് ഞാന്‍ സാറിന്റെ പുറകെ പോവുകയാണ്. രാമരാജന്‍ സാര്‍ പോയപ്പോള്‍ ജനങ്ങളെല്ലാം കയ്യടിച്ചു. അദ്ദേഹം പോയി കഴിഞ്ഞപ്പോള്‍ ഞാന്‍ തല കുനിച്ച് ഒന്നും മിണ്ടാതെ അതുവഴി പോവുകയാണ്. അപ്പോള്‍ ജനകൂട്ടത്തിനിടയില്‍ നിന്നും ഒരു ശബ്ദം, ഐസ് വരുന്നോ എന്ന്. 90കളിലേ ഞാന്‍ ഇത് കേട്ടു. ഒരു സാധാരണ വീട്ടമ്മ നല്ല ഒരു സാരി ഉടുത്ത് പോയാലും ആരാ വാങ്ങികൊടുത്തതെന്ന് ആളുകള്‍ കമന്റ് ചെയ്യും.
