എന്റെ പേടി കാരണം വൈകി, ദിവ്യയുടെ ആ ആഗ്രഹം സാധിച്ച് കൊടുത്തത് അരവിന്ദന്റെ അതിഥികളുടെ സമയത്ത്: വിനീത് ശ്രീനിവാസന്‍
എന്റര്‍ടെയിന്‍മെന്റ് ഡെസ്‌ക്
Tuesday, 8th November 2022, 11:14 pm
അരവിന്ദന്റെ അതിഥികള്‍ എന്ന ചിത്രത്തിന്റെ ഷൂട്ട് നടക്കുന്നതിനിടയില്‍ ഭാര്യക്ക് സര്‍പ്രൈസ് കൊടുത്തതിനേക്കുറിച്ച് പറയുകയാണ് വിനീത് ശ്രീനിവാസന്‍. ബൈക്കില്‍ ഒരുമിച്ച് പോകുക എന്നത് പഠിക്കുന്ന കാലം തൊട്ട് ദിവ്യയുടെ ആഗ്രഹമായിരുന്നെന്നും അതാണ് മൂകാംബികയില്‍ വെച്ച് താന്‍ നടത്തിയക്കൊടുത്തതെന്നും വിനീത് പറഞ്ഞു.
”ബൈക്ക് എനിക്ക് ഭയങ്കര പേടിയാണ്. കാര്‍ ഞാന്‍ എത്രവേണെമെങ്കിലും ഓടിക്കും. കാറിന് നാല് വീലുണ്ടല്ലോ. ബൈക്കിന് രണ്ട് വീലെ ഉള്ളു. നല്ല ബാലന്‍സില്‍ നിന്നിട്ടില്ലെങ്കില്‍ പോകുന്ന വഴി അറിയില്ലല്ലോ. അതുകൊണ്ടാണ് ബൈക്ക് എനിക്ക് പേടി.
വണ്ടി ഞാന്‍ ഓടിച്ചിട്ടുണ്ട് പക്ഷെ എന്റെ ഭാര്യ ദിവ്യയെയും കൊണ്ട് ആദ്യമായിട്ട് ബൈക്കില്‍ പോയത് അരവിന്ദന്റെ അതിഥികള്‍ എന്ന സിനിമയുടെ സമയത്താണ്. പഠിക്കുന്ന സമയത്ത് ഒക്കെ ടൂവീലറില്‍ നമുക്ക് പോകാമെന്നൊക്കെ അവള്‍ പറയുമായിരുന്നു.
