അശിര്‍വാദ് സിനിമാസിന്റെ വരാന്‍ പോകന്ന അഞ്ച് സിനിമകള്‍ ഒ.ടി.ടിയില്‍ റിലീസ് ചെയ്യും എന്ന വാര്‍ത്തകള്‍ക്ക് പിന്നാലെ നിര്‍മാതാവ് ആന്റണി പെരുമ്പാവൂരിനെ ട്രോളി നടന്‍ വിനായകന്‍.

സാമൂഹ്യ മാധ്യമങ്ങളിലെ തന്റെ സ്ഥിരം വിമര്‍ശന രീതിയിലൂടെ സ്‌ക്രീന്‍ ഷോട്ട് പങ്കുവെച്ചാണ് വിനായകന്‍ ഇത്തവണയും രംഗത്തെത്തിയത്.

ഒരു ഒ.ടി.ടി അപാരത എന്ന് എഴുതിയ ന്യൂസ് ചാനലിന്റെ പോസ്റ്ററാണ് വിനായകന്‍ പങ്കുവെച്ചത്. ആന്റണി പെരുമ്പാവൂരിന്റെ ചിത്രം അടങ്ങിയതാണ് പോസ്റ്റര്‍.

നേരത്തെ മരക്കാര്‍ സിനിമയുടെ റിലീസുമായി ബന്ധപ്പെട്ട് അനിശ്ചിതത്വം തുടരുന്നതിനിടെ ‘ആശങ്കപ്പെടേണ്ട ഇവന്‍മാര്‍ ആരുമില്ലെങ്കിലും കേരളത്തില്‍ സിനിമയുണ്ടാകും’ എന്ന തരത്തില്‍ പരോക്ഷ വിമര്‍ശനവുമായി വിനായകന്‍ രംഗത്തെത്തിയിരുന്നു. ഇതിനുപിന്നാലെയാണ് പുതിയ പ്രതികരണം.

അതേസമയം, മര്ക്കാറിന് പുറമെ മോഹന്‍ലാല്‍ നായകനായി അഭിനയിയ്ക്കുന്ന അഞ്ച് സിനിമകള്‍ കൂടി ഒ.ടി.ടിയിലാവും ചെയ്യുക.

പൃഥിരാജ് സംവിധാനം ചെയ്ത ബ്രോ ഡാഡി, എലോണ്‍, ട്വല്‍ത്ത് മാന്‍, പ്രിയദര്‍ശന്റെ ബോക്സര്‍, വൈശാഖിന്റെ ബിഗ്ബജറ്റ് ചിത്രം എന്നിവയടക്കമാണ് ഒ.ടി.ടിയില്‍ റിലീസ് ചെയ്യുകയെന്ന് ആന്റണി പെരുമ്പാവൂര്‍ പറഞ്ഞിരുന്നു.

മരക്കാര്‍ തീയറ്ററില്‍ കാണണമെന്ന് ഒരുപാട് മോഹിച്ചു. ഇതിനായുള്ള കാത്തിരിപ്പില്‍ തന്നെയായിരുന്നു കഴിഞ്ഞ ഏതാനും മാസങ്ങള്‍. ദൃശ്യം 2 ഒടിടിയില്‍ റിലീസ് ചെയ്തപ്പോഴും മരയ്ക്കാര്‍ തീയറ്ററുകളില്‍ റിലീസ് ചെയ്യണമെന്നു തന്നെയായിരുന്നു ആഗ്രഹം.

ഇതനുസരിച്ച് കാര്യങ്ങള്‍ മുന്നോട്ടുപോവുകയും ചെയ്തു. എന്നാല്‍ പല കാരണങ്ങളാലും തീയറ്ററില്‍ റിലീസ് ചെയ്യാനാവാത്ത സാഹചര്യമാണുള്ളത്. അവസാന സാധ്യതകളും പരിശോധിച്ചിരുന്നു. എന്നാല്‍ തീയറ്റര്‍ ഉടമകളുടെ നിസഹകരണമാണ് കാര്യങ്ങള്‍ തകിടം മറിച്ചതെന്നും അദ്ദേഹം പറഞ്ഞു.

ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ 

ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും  ഫോളോ ചെയ്യാം

CONTENT HIGHLIGHTS: Actor Vinayakan Troled producer Antony Perumbavoor