നേര് എന്ന സിനിമ കൊണ്ടല്ല ലാലേട്ടനെ അളക്കേണ്ടത്: വിനയ് ഫോര്‍ട്ട്
എന്റര്‍ടെയിന്‍മെന്റ് ഡെസ്‌ക്
Friday, 29th December 2023, 11:11 pm
നേര് എന്ന സിനിമ കൊണ്ടല്ല മോഹന്‍ലാലിനെ അളക്കേണ്ടതെന്ന് നടന്‍ വിനയ് ഫോര്‍ട്ട്. എത്രയോ മഹത്തായ പരിപാടികള്‍ അദ്ദേഹം ചെയ്തുകഴിഞ്ഞുവെന്നും ഇനി എന്താണ് ചെയ്യാനുള്ളതെന്നും വിനയ് ഫോര്‍ട്ട് ചോദിച്ചു. നേര് നല്ല സിനിമ ആയിരിക്കാമെന്നും പക്ഷേ നടനെന്ന നിലയില്‍ ഒരാള്‍ക്ക് ജീവിതത്തില്‍ ചെയ്യാവുന്ന എല്ലാ കഥാപാത്രങ്ങളും മോഹന്‍ലാല്‍ ചെയ്തല്ലോയെന്നും സില്ലി മോങ്ക് മോളിവുഡിന് നല്‍കിയ അഭിമുഖത്തില്‍ വിനയ് ഫോര്‍ട്ട് പറഞ്ഞു.
‘നേരൊന്നും ഒരു വിഷയമേ അല്ല. ഒരു കൊമേഴ്ഷ്യല്‍ സിനിമയുടെ സക്‌സസും ലാലേട്ടനും തമ്മില്‍ ഒരു ബന്ധവുമില്ല. പുള്ളി എത്രയോ മഹത്തായ പരിപാടികള്‍ ചെയ്തുകഴിഞ്ഞു. ഇനി പുള്ളി എന്ത് ചെയ്യാനാണ്. നേര് നല്ലൊരു കൊമേഴ്ഷ്യല്‍ സിനിമ ആയിരിക്കാം. തിയേറ്ററില്‍ ആളുകള്‍ വന്ന് കാണുന്നുണ്ടാവാം. അതിനേയും ലാലേട്ടനേയും തമ്മില്‍ കൂട്ടിക്കെട്ടേണ്ട ഒരു കാര്യവുമില്ല.
