ലോക്ഡൗണില്‍ വെള്ളം കിട്ടാതെ അലഞ്ഞ കുരങ്ങന്‍മാര്‍ക്കായി വാട്ടര്‍ ടാങ്ക് സ്ഥാപിച്ച് വിജയ് ഫാന്‍സ് അസോസിയേഷന്‍ പ്രവര്‍ത്തകര്‍
എന്റര്‍ടെയിന്‍മെന്റ് ഡെസ്‌ക്
Sunday, 23rd May 2021, 11:33 pm
ചെന്നൈ: ലോക്ഡൗണില്‍ മനുഷ്യരെപ്പോലെ തന്നെ ദുരിതമനുഭവിക്കുന്ന മൃഗങ്ങള്‍ക്കായി നടന്‍ വിജയ്‌യുടെ ഫാന്‍സ് അസോസിയേഷന്‍ പ്രവര്‍ത്തകര്‍ രംഗത്തെത്തിയിരിക്കുകയാണ്.
തമിഴ്‌നാട്ടിലെ പുതുകോട്ടയ്ക്ക് സമീപം ഒരു വാട്ടര്‍ ടാങ്ക് സ്ഥാപിച്ചാണ് ഫാന്‍സ് അസോസിയേഷന്‍ മാതൃകയായത്. കുരങ്ങന്‍മാര്‍ ധാരാളമായെത്തുന്ന പ്രദേശത്ത് അവയ്ക്ക് വെള്ളം കുടിക്കാന്‍ കൂടി വേണ്ടിയാണ് വാട്ടര്‍ ടാങ്ക് സ്ഥാപിച്ചത്.
ദിവസവും 300 ലേറെ കുരങ്ങന്‍മാരാണ് ഇവിടെയെത്തുന്നത്. പുതുക്കോട്ടെ മെഡിക്കല്‍ കോളെജിനു സമീപമുള്ള ഹനുമാന്‍ ക്ഷേത്രത്തിലാണ് ഇവ കൂട്ടമായി എത്തുന്നത്.
