സ്‌ക്രീനില്‍ ഭംഗി കുറഞ്ഞുപോയോ എന്ന് ടെന്‍ഷനടിച്ചു, അത്രയും വ്രതമെടുത്താണ് ഞാന്‍ മാളികപ്പുറം ചെയ്തത്: ഉണ്ണി മുകുന്ദന്‍
എന്റര്‍ടെയിന്‍മെന്റ് ഡെസ്‌ക്
Monday, 2nd January 2023, 8:37 am
ആദ്യമായാണ് സ്‌ക്രീനില്‍ ഭംഗി കുറഞ്ഞോ എന്ന് ആലോചിച്ച് ടെന്‍ഷനടിക്കുന്നതെന്ന് ഉണ്ണി മുകുന്ദന്‍. മാളികപ്പുറം ചെയ്യുമ്പോള്‍ തനിക്ക് ആ ടെന്‍ഷനുണ്ടായിരുന്നുവെന്നും ഇത് തനിക്ക് വെറുമൊരു സിനിമയല്ലെന്നുമാണ് ഉണ്ണി മുകുന്ദന്‍ പറഞ്ഞത്.
മാളികപ്പുറം എന്ന സിനിമ സംഭവിക്കണമെന്ന് ഏറ്റവും കൂടുതല്‍ ആഗ്രഹിച്ചത് താനാണെന്നും അതുകൊണ്ട് തന്നെ അത്രയും വ്രതമെടുത്താണ് കഥാപാത്രം ചെയ്തതെന്നും ഉണ്ണി മുകുന്ദന്‍ പറഞ്ഞു.
ചിത്രത്തിന്റെ ക്ലൈമാക്‌സ് കേട്ടപ്പോള്‍ തന്റെ കണ്ണ് നിറഞ്ഞു പോയെന്നും കരിയറിലെ തന്നെ ബെസ്റ്റ് സിനിമയായാണ് മാളികപ്പുറത്തെ കാണുന്നതെന്നും ഉണ്ണി കൂട്ടിച്ചേര്‍ത്തു. മാതൃഭൂമി ന്യൂസിന് നല്‍കിയ അഭിമുഖത്തിലാണ് നടന്‍ ഇക്കാര്യങ്ങള്‍ പറഞ്ഞത്.
