ബാഗ്ലൂര്‍: നടന്‍ ഉണ്ണിമുകുന്ദന്റെ അനിയനും അഭിനയ രംഗത്തേക്ക്. ഉണ്ണിയുടെ അനിയന്‍ സിദ്ധാര്‍ത്ഥ് രാജന്‍ അഭിനയിക്കുന്ന പ്രണയ വീഡിയോ ആല്‍ബം നീ എന്‍ സഖി യൂട്യൂബില്‍ റിലീസ് ചെയ്തു.
ബാംഗ്ലൂരില്‍ താമസമാക്കിയ യുവ മലയാളികള്‍ ഒരുക്കിയ നീ എന്‍ സഖിയില്‍ സിദ്ധാര്‍ത്ഥ് രാജനും കന്നഡയിലെ യുവതാരവുമായ സാനിയ അയ്യരും ആണ് അഭിനയിച്ചിരിക്കുന്നത്.
നജിം അര്‍ഷാദ് പാടി ജോയിസ് സാമുവല്‍ എഴുതി സംഗീതം ചെയ്ത നീ എന്‍ സഖി സംവിധാനം ചെയ്തിരിക്കുന്നത് സതീഷ് ഒലിയില്‍ ആണ്.
ബാംഗ്ലൂരും കണ്ണൂരുമായിരുന്നു ആല്‍ബത്തിന്റെ പ്രധാന ലൊക്കേഷനുകള്‍. ഐ റ്റി മേഖലയില്‍ ജോലി ചെയ്യുന്ന സുഹൃത്തുക്കളായ ഒരു കൂട്ടം ചെറുപ്പക്കാര്‍ ആണ് ആല്‍ബത്തിന്റെ അണിയറ പ്രവര്‍ത്തകര്‍. 5 ദിവസം എടുത്താണ് ഷൂട്ടിങ് പൂര്‍ത്തിയാക്കിയത്.
നീ എന്‍ സഖിയുടെ പോസ്റ്റര്‍ പുറത്തുവിട്ടത് ഉണ്ണി മുകുന്ദന്‍ ആയിരുന്നു. സത്യം വിഡിയോസ് ആണ് ഗാനത്തിന്റെ കോപ്പി റൈറ്റ് എടുത്തിരിക്കുന്നത്.
ജോയിസ് സാമുവല്‍ ആണ് ആല്‍ബത്തിന് സംഗീതം പകര്‍ന്നിരിക്കുന്നത്. എസ് . ആര്‍ പാട്ടീല്‍ സംവിധാനം ചെയ്ത കന്നഡ ചിത്രം ഈദിഗ ബന്ധ സുദ്ധിക്കു ആണ് ജോയിസ് ആദ്യം സംഗീതം പകര്‍ന്നത്. കന്നടയില്‍ ചെയ്ത “കാലവേ നമ്മെല്ല ” എന്ന ഗാനം ഏറെ ശ്രദ്ധ പിടിച്ചു പറ്റിയിരുന്നു.